Gospodärie tradicionale andar o Ćǔksïnʒeorʒiu

And-e Trnasilvania, pala’ol zelenone plajna thaj barvale veśa, arakhas and-ol gava Ćǔksïnʒeorʒiu thaj Banku, gospodärie prispença bare kaśtesθar thaj barede porte. 

Arhitektura anel godi palal ol vaxta kana o śukaripen arakhelas pes and-e simpliteta fiesavesqi detalio: e momeli pala’i meseli, obloane thaj ol stïlpurǎ le kheresqe, kaśtesθar,e  berand dekorime motivença luludǎnça arhajke thaj ol bara kaj inkśren ol garavimata jekhe barvali historiaqi thaj jekhe bukǎqo kinime. Śelbeśença angal, ol manuśa katar kerde jekh arhitektura definitorio, kerdini p-ol forme ʒeometrike simple thaj materiale thanesθe: barr, lemn, lut thaj śinsrila.  

Fiesavo vazdipen inkǎrel e amprenta la prasaqi, isindoj kerdi andar beranda kaśtesqe, thovdine griźaça p-e jekh fundacia zorali barresθar, telal jekh ućhalinisçe śtare pajença, anglal xurǎvdo śindrilaça. Ages, fiesavo kher si jekh märturja le vaxtesqo kaj nakhlo, xramosardi p-e pesqe berand - o berś kana sasas vazdini, jekh tributo andino la tradiciaqo thaj bukǎripnasqo andar kadava than.  

Ol manuśa kathar aven angla tuθe puterde vastença thaj tate ilença, inkǎrindoj pakivpnaça e phurani mośtenirea la bukǎqo p-ol vazǎ thaj la ʒivutrenqo baripen. 

Ćǔksïnʒeorʒiu si jekh than kaj o vaxt fal ke aćhilo p-o than, kaj e tradicia ʒivel and-e fiesavo ilesqo maripen la komunitetaqi kathar. Kathe, arakhesa na numaj jekh gav, thaj vi jekh ćaćo kolco rajesθar kaj e tradicia satǒl śukar o akanutno vaxt. 

---

Thovipen thaj giravipen 

E komuna Ćǔksïnʒeorʒiu si thovdini and-e nord-estiko rig la reʒiunaqi le Ćiukulesqo Telal, p-ol podǎ le xaresqe Fiśag thaj le Plainenqo le Ćiukulesqo. Zinzarel pes p-e jekh suprafaca de maj but e 240 kilometrǎ p¨trato, so maj but si plaino thaj si lan but veśa thaj bare thana ćareça. 

E populacia si kam 5.000 manulenθar thaj so maj but si and-ol gava katar ol xara Fiśagosqe thaj Toplicaqo, thaj si vi śela manuśenθar save ʒiven and-ol gava veśesqe: Ćinod, Egersek, Giurke thaj Koibäniś. 

E komuna si lan 10 gava: Potiond, Armäśenia Neve, Ćǔksïnʒeorʒiu, Banku, Kotormani, Ćinod, Egersek, Giurke thaj Ćiob¨niś. 

---

Xarno historikano mothovipen 

Ćǔksïnʒeorʒiu sas xramosardo jekhto var and-o reʒistro papalo andar o berś 1332 le anaveça Sankto Ʒerʒio, savo si Svunto George. 

Jekh śerutno rodipen sas kerdo bi te kamel jekhe thanutnesθar and-o gav Kotomani. Arakhlǎs pes jekh truśul dublo, kaj sasas xramosardi p-e laθe o astaripen le XIII-to śelberś, isindoj jekh kopia palutni le bukǎnqo kievenea andar ol XI-XII-tone śelberśa.