O DROM LE GUSTOSQO FOJOJOSQO

And-o ilo le Transilvaniaqo, o źudeco Bistrica-Näsäud putaren pesqe porte vaś jekh phiripen xamasqo saves na bistresa les. Bućhol vi e Porta le Transilvaniaqi, kadava than istoriko kerel o phandlipen maśkar e Bukovina, o Maramureśo haj e Transilvania. Kathe, kaj e tradicia haj o nevipen khuven pen but miśto, xakǎrena gustoja ćaće, paruvde katar o peisaźo verver haj o barvalipen kulturalo le thanesqo. Putarindoj kadaja „Porta” arakhas amen k-o phandlipen trine kulturenqo: romïnisko, säśisko haj magǎro.

Ol bukǎ le thanesqe, sar si ol kirala londe, ol guglimata pherrenqe veśesqe haj o manro peko and-o bov kaśtença, ćajlǎrena tumare xakǎrimara. 

Ol laćhe molǎ andar o than rezenqo le Lekincaqo, kerde andar sǎ o ilo haj but miśto vaś e tradicia, pheren o tablovo xamasqo.

Maśkar kadala barvalimata xamasqe si vi e zakuska pästrävoça thuvǎrdo katar e Pästräväria RIN andar o Romuli. Kadaja receta khuvel o pästrävo thuvǎrdo, jekh buki śerutni le thanesqi, le zakuskaça, jekh xaben tradicionalo romïnisko. O pästrävo si thuvǎrdo perfekto, haj inkerel pesqi struktura haj o gusto laćho, haj e zakuska si kiravdi griźaça, legumença prospeto haj aver ingredientoja alosarde, kaś te del la jekh gusto barvalo haj ćaćo. Kadava felo xamasqo na-i numaj jekh eksperienca xamasqi, ama vi jekh paramići le karakterosqi verver le thanesqo Bistrica-Näsäud, sikavindoj sar ol ingredientoja le thanesqe haj o talento le bukätarenqo daśtin te keren ćaće kapodopere xamasqe.

Kana avena k-e Bistrica-Näsäud, lośarena tumen na numaj lesqe peisaźojenθar śukar, ama vi jekh aventuraθar xamasqi savi aćhela ande tumari gogi. Fiesavo ingrediento, fiesavo xaben, phiravena tumen ande jekh phiripen pande istoria haj e kultura izdravdi le thanesqi, paruvindoj fiesavi meseli ande jekh eksperienca jekhutni. E Bistrica-Näsäud aźukerel tumen te arakhen laqo barvalipen kulturalo haj o śukaripen naturalo.