Mariklă peke pe jekh plaka barrutni and-o Apusemi - o Them o Barrutno

Amd-o Them o Barrutno, and-ol Plaja Apuseni, e vremǎ phenes ke beśel jekh cïra, haj mukhlǎs pala pesθe jekh xamipen tradicienqo, bukǎnqo haj laćhe xamatenqo, inkerde but miśto kaθar o Them le Mocenqo. Ande kadava kolco la lumǎqo, kaj e natura khuvel pes le kulturaça ande jekh armonia perfekto, arakhena ol mariklǎ peke pe jekh plaka barrutni, jekh xaben saveça del pes barikan kadava than. Haj vi maj but bukǎ tradicionalo save barvalǎren kadaja ekperienca xamasqi haj kulturalo fiesave manuśesqi kaj avel te dikhel. 

O phiripen astarel and-o Arieśeni, jekh than kaj si paćǎ, haj si ivenda pherde iv, buki savi si but laćhi vaś kodola savenqe ćajǒl len ol sportoja le ivendesqe. Pala kadaja, ʒas maj dur karing o Albak, haj arakhesa jekh than kaj si prinʒardo akana sar Destinacia Europeano vaś o Baripen.

And-o gav Bäräśti, ol butǎrne kaj keren buki barreça phenena tuqe ol garavimata le zelenone marmuraqe, paruvdi but miśto ande plake vaś ol pekipen la mariklenqo. Kadala plake barrutne na-i numaj te keres xaben pe lenθe, ama ćaće simboloja le tradiciaqe le xamasqe kathar.

---

Te nakhena kathar si musaj te xan andar ol Mariklǎ peke pe plaka barrutni. Sar keren pen? Maj anglal ćhel pes but kamipen haj  trebul te avel tut vast laćho. Haj pala kadaja, trebul tuqe cïra ingredientoja laćhe haj te kames but te keres len.  

O manro la mariklǎqo si kerdo andar arro, droźdia, anre,  thud, lon haj jekh cïra cukuro. Paka kadaja si xamime miśto haj zinzardo lokhes pe jekh blato kaśtukano. O gi la mariklǎqo si o pherdipen, jekh xamipen but laćho kaśoça guruvano jekh cïra śutǎrdo haj londǎrdo, anre, cukuro, vainilia haj märari, savorre xamime haj thode lokhes p-o manro. 

O manro kidel kadava pherdipen haj kerdǒl jekh marikli so avela peki pe tate barrutne plake, boldini lokhes kaś te pekǒl sǎ. Kana si gata, ol mariklǎ si makhle smïntïnaça vaj untoça, haj ućhardǒn ande jekh koźa paki haj kaj khandel but śukar.  Xan pen tate, thudeça vaj siropojença andar pherra veśesqe, kadala mariklǎ si na numaj vareso guglo, ama vi jekh eksperienca le xakǎrimatenqi, savǎ na bistresa la.

---

Akharas tumen te xan andar ol but prinʒarde mariklǎ and-ol komune Arieśeni, Gïrda de Opral, Skäriśoara, Albak haj Horea, kaj arakhena vi aver recete tradicionalo, sar si e zumi le kolompirenqi vaj e tradicionalo xävic kiraleça haj smïntïnaça.

P-ol droma kaj si sar sapa maśkar ol plaja, arakhena „O beći le Mocosqo”, kaj aʒukerel tumen jekh bari colekcia bukǎnqi tradicionalo ćaćǎrde, haj fiesavi buki sikavel o spećifiko plajesqo le thanesqo. Kaθar o kaśkavalo mocisko k-e dulćeaca andar zmura haj afine, kaθar ol siropoja andar päpädia, afine, lulugǎ sokosqe, mugurǎ bradosqe haj zmeura, ʒi k-e zakuska andar xuxurra, fiesavi buki si vareso kaj phenel pa ol barvalimata naturalo haj ol tradicie xamasqe andar kadava than. 

And-o Them o Barrutno, fiesavo paso si jekh phiripen and-e so si simplo haj śukar, haj fiesavo gusto si jekh paramići. Akahras tut te dikhes vareso ćaćo haj o laćhipen le Plajenqo Apuseni, kaj ol plaja, ol khera haj ol xamata andar o ćarro phenen tuqe pa so śukar si o Them le Mocěnqo.  

And-o Them le Mocěnqo, maj but bukǎ tradicionalo, ćaćǎrde kathe si len e buki andar savǎθe keren pen, ingredientoja save sikaven o spećifiko plajesqo le thanesqo: