O Drom la Molăqo and-o Them la Silvaniaqo

Arakhen o Drom le Xamasqo le Themesqo la Silvaniaqo, jekh drom xamasqo so nakhel pand-o ilo le Sälaźosqo, jekh źudeco kaj ol aćara khuven pen le gustojença ćaće. Kadava drom, pherdo istoria, phiravel tumen maśkar thana tradicionalo but śukar haj akharel tumen te xan xamata tradicionalo nevǎrde, kaθar ol tokane haj ol masa peke le romanenqe, ʒi k-ol neve recete. 

Ol Ferme Ekoloʒiko Silvania si jekh punkto referincaqo kaj del bukǎ naturalo le thanesqe haj kaj sikaven so baro pakǎipen si le manuśen le thanesqe vaś o laćhipen haj o ćaćipen. Kathe, ol bukǎ andar mas naturalo haj ol bukǎ kerde andar thud na-i numaj xamata, ama vi paramićǎ le phuvǎqe säläźano.

---

Jekh andar ol maj kamle xamata si e Ratuta xuxurrenqi anrença. Ker tut ke san ande jekh lokhi texarin, ande jekh bukätäria säläźeano haj kirri mami kiravel tuqe dragoça kadava simplo xaben, ta but laćho. Ol xuxurra kidine andar o veś si kerde and-o ćiken vaj ulejo ʒi kana kerdǒn maj śuke avrǎl, ama aćhen kovle haj zumǎça andral. Ćhel pes purum zeleno ćhindi xurdes haj anre aba kerde, haj mukhes len te xamin pen khethanes but miśto. Simplo, ta kadja de laćho.

Paśa kadava but laćho xaben, o Śoleto, o Śolento vaj Ćiolento, jekh xabe tradicionalo evreicko si jekh aver xaben but laćho le thanesqo. Ol ingredientoja vaś o Śolento si: kolompirǎ, fasuli, anre kiravde koźaça, arpakaśo, paste kerde and-o kher (kaj bućhol räzäläi le gaʒenθar haj farvälä le evreenθar), purum, sir haj verver masa sar si: papin, kurkano, raca, thuvǎrdi vaj prospeto, kaxni thuli vaj guruvano mas. Vaś e kigälä, o manro kaj xal pes śolentoça, trebula tumenqe parno arro, arro ćaćo, anre, kondimente haj ćiken papinaqo.

Kerel pes lokhes: xamien savorre ingredientoja ande jekh pirri ćikuni haj peken len khethanes. O xaben si thodo and-o bow paraśtuine e rǎt, angla o peripen le khamesqo, haj mukhel pes te pekǒl lokhes savorri rǎt. Xan o śolento tato savatone k-o mezmeri kaś te avel jekh xaben tradicionalo haj ćaćo. 

---

Paśa lesqe xamata, o foro Sälaź lośarel tumen vi pesqe molǎnça. O Drom la Molǎqo and-o Them la Silvaniaqo si vov jekh eksperienca kaj akharel tumen te pien andar ol pimata kerde pe kadava than haj si but verver: vi tradicionalo haj vi moderno. 

O drom le xamasqo le Sälaźosqo si jekh phiripen parpale and-e vremǎ haj gusto, vareso kaj khuven e istoria, e kultura haj o xaben ande jekh felo jekhutno haj kaj inkeres les ande kirri gogi. Si jekh putardo akharipen kaś te arakhes haj te ćajlǒl tut o barvalipen haj o ververipen kadale but śukar thanesqo andar e Romïnia.