Arakh o Ʒeoparko le Themesqo le Buzäosqo, jekh thaj kaj ol Karpacǎ bangǒn but śukar, haj keren jekh dikhipen but śukar gavutno, savo zinzǒl kam 1036 km2. Kathe, ande jekh than plajnença haj plajença, ʒiven kam 43.000 manuśa, mośtenitorǎ jekhe istoriaqe so si d-and-o śeliberś le bronzosqo. O Ʒeoparko sikavel pes pand-o vazdipen le inkerimasqo, haj laćhǎren ol bukǎ sar si o baripen soćialo, kulturalo haj ekonomiko.
O dikhipen kadale thanesqo kerel pes kana ʒas pand-ol panʒ xarrǎ andar o o Themutno Drom: E Xarr le Sibićiosqi, E Xarr la Bälänesaqi, E Xarr le Säräcelosqi, E Xarr le Slänikosqi haj E Xarr le Rïmnikosqi. Kadala xarrǎ si o laćhipen, e kultura haj o xaben le thanesqo.
Pa o Them le Buzäosqo phenel pes ke si les ćaće tradicionalo gava, kaj ol manuśa ʒiven but miśto and-e natura haj inkerel ol but purane aćara. Ol naturalo bukǎ sar si ol ʒivde jaga, ol thana kaj si p-ol barra, ol trovantoja, ol barra le lonesqe haj o kihlimabro, savorre si phandle jekhe bukǎθar śerutni and-o xaben: o lon.
O xaben le Themesqo le Buzäosqo sikavel jekh but baro ververipen, kaj si paruvdo le tradicienθar le thanesqe, haj vi kaθar ol nevǎrimata d-akanara. Maśkar ol xamata tradicionalo si vi e zumi babikosqi kaθar o Buzäw, ol sarmale buznǎqe, o vïrzobo, o bulzo peko p-o źaro, o ćauni le bakreça, ol thule täieceja maseça kaxnǎqo, e pituśka le babikosqi k-o źaro, vaj verver mariklǎ kiraleça.
Ol eksperience xamasqe le thanesqe si len vi atelieroja kaj likhǎrel pes, sesiune kaj keren pen plante sastimasqe, phirimata karing ol thana de p-ol barra piknikoça, bukǎ vaś e relaksarea haj vaś kirri gogi. Sa kadja, ol edukativo phirimata, o kidipen le trufenqo haj ol piknikoja si rig andar o dinipen le xamasqo, maj but ol bukǎ tradicionalo le thanesqe. Ol bukǎ simbolo le thanesqe, sar si ol goja kaθar o Pleśkoj, o babiko, o e śuki goj haj e pastrama bakrani, sikaven o barvalipen le thanesqo. Ol goja kaθar o Pleśkoj, maj but, si jekh mandin le xamasqi andar kadava than, haj si prinʒarde k-o nivelo themutno haj europǎno. Kadava goja si kerde andar mas bakrano ćhindo xurdes haj ćhute kondimentoja sar si e sir, ćimbro haj lon, haj si pherde ande porrǎ naturalo bakrane haj thuvǎrde. Lenqo gusto verver avel andar o lolo ićalo kaj si and-e kompozicia, haj del jekh eksperienca xamasqi jekhutni.
Kadala rotundo goja, si dïlga kam de 15-18 ćentimetrǎ haj kam 50 gramoja pharipen, si len jekh istoria de kana sas ol marimata ruso-turko, kana ol sïrbǎ haj ol bulgarǎ avile and-o than le Buzäosqo, and-o Pleśkoj. E tradicia le kerimasqi kadale gojenqi sas dini jekhe ʒeneraciaθar avrǎθe, haj si jekh sursa śeruni lovenqi vaś e komuniteta haj jekh simbolo le thanesqo.
O Them le Buzäosqo si sa kadja but prinʒardo vaś o kiral buznǎno andar e Berka, o kaśo bakrano and-e saramura haj verver legume, śutlimata haj avgin. Ol pimata le thanesqe, sar si o miedo, e berea kraft, e mol andar pherra veśesqe, e kätina haj e rakia khilǎvenqi, kerel pherdi e eksperienca le xamasqi.
Jekh simbolo le Buzäosqo, ol kovrigǎ kaθar o Buzäw, si but laćhe, si len jekh sung sar na-i avren haj si śuke. Kadala kovrigǎ si kerde andar jekh manro simplo, ama but laćho, kerdo andar arro, pani, droźdia, lon haj ulejo veʒetalo. Pala si si kerde sar angrustik haj dine andar jekh xamipen paněça haj bikarbonatoça sodiosqo, ol kovrigǎ kerel e koźa somnakutni haj śukǒn, but laćhe te xas len k-o xaben de texara vaj numaj kadja. And-o Them le Buzäosqo, arakhesa na numaj jekh dikhipen gavesqo but śukar, ama vi jekh eksperienca xamasqi ćaći, savi dela tut o śajutnipen te dikhes haj te xas andar ol laćhimara le thanesqe, ande jekh kadro naturalo but śuka
Linko kopiime! 
Ʒa maj dur le Google
