O DROM GASTRO HARGITA

And-o phiripen pala o xaben maśkar e Hargita, arakhen pen thana kaj mukhen tut biphurdimasqo haj vi jekh kultura le xamasqi so khuvel e tradicia sekuicko bukǎnça neve. O than, trujardi kaθar ol Karpacǎ Orientalo, del jekh eksperienca xamasqi jekhutni, kaj ol ingredientoja le thanesqe si but śerutne ande fiesavi receta. 

---

E zumi poeka kaθar o Ćiumani (Csomafalvi poékaleves) si jekh misal ke o xaben sekuicko kerel pes but miśto, jekh receta savi kerel but laćhes egalo ol gustoja tradicionalo haj vi ol neve. 

Kerdi kokaleça thuvǎrdo, kadaja zumi ande savǎθe si laćhe legume, śuke khilǎva haj jekh rïntaśi lolo vaś o thulǎripen, si jekh sikavipen ćaćo le xamasqo le thanesqo. Astaren te kiraven o kokalo thuvǎrdo, ćhen e purum peki, morkovǎ, celina, khilǎva śuke, patrinǎ dafinosqe, boja gugli, lon haj pasta rośienqi. 

O lolo rïntaśi, kerdo andar arro haj ćiken, si labǎrdo vaś o thulǎripen le zumǎqo. Pala so o ingredientoja kovlile, xamien pen ande duj pirrǎ haj ćhel pes śut haj cukuro vaś o laćharipen le gustosqo. Jekh buki jekhutni kadale zumǎqi si ke ol paste peke, kerde andar arro, anre, lon haj bikarbonato sodiosqo, kerde haj peke ʒi kana śukǒn. Kadaja zumi daśtil te xal pes täiecejença, "csipetke" vaj gäluśte andar griśo, ama si maj miśto te xal pes pastença peke haj khilǎvença śuke. 

Paśa e zumi poeka kaθar o Ćiumani, e Hargita si prinʒardi vaś ol kirala le thanesqe, manro tradicionalo haj guglimata sekuicko, fiesavo xaben si jekh paramići le istoriaqi haj le tradicienqi le thanesqe. Ol manuśa kaj aven te dikhen si akharde te dikhen kadala but laćhe xamata k-ol festivaloja xamasqe haj k-ol atelieroja kaj keren pen, kaj ol tradicie le xamasqe si line haj ingerde maj dur.

---

E Hargita na-i numaj jekh than turistiko, ama jekh than kaj fiesavo kolco garavel paramićǎ but śukar haj eksperience jekhutne. Kaθar ol panǎ mineralo haj ol thule veśa, k-ol atelieroja le thanesqe haj ol śukar dikhimata plajesqe, o źudeco Hargita si jekh than kaj daśtil te phirel orso phirutno, te rodel o ćaćipen haj o śukaripen naturalo.