E diz daćiko katar e Bänica

Kana san cirdino katar e istoria haj e ćivilizacia le daćenqi, si tut e baxt de dikhes jekh andar ol thana strateʒiko śerutne ande lenqo sistemo zorǎrimatenqo.

E diz daćiko katar e Bänica, kaj ol manuśa phenel paqe e Diz le Vulturenqi, si andar e vremǎ le thagaresqi dako Burebista, kaj brakhelas de karing o sudo o giripen karing e Sarmizegetusa Regia. Laqo anav anav katar o barr abrupto, koniko, pe savo sas kerdi, but phares te arese laqe. Kana areslǎn k-e diz, e pozicia opruni dela le peisaźosqe jekh baro dikhipen, panoramiko, opral e xarr le Źiosqi haj o Plaj Parïng. O eforto si pokindo.

Haj anda sosθe e diz na si jekh than turistiko lokhes te areses lesθe, ama jekh than kaj mangel te avel areslo, phenas tuqe te ʒas p-o drom sikado feri ekipamentoça laćho haj avere manuśença kaj ʒanen o drom aresimasqo.

O zorǎripen katar e Bänica sar kerdi andar maj but vazdimata kerde anda o maripen: duvara inćintaqe, thana marimasqe, turnoja, ama vi jekh valo brakhimasqo  vazdino andar barr, kaśt haj phuv.

O giripen and-e diz kerelas pes andar jekh udar kalkarosqe śopnǎnça, balustradojença andar andezito. Inkǎl kadaja zinzǒnas trin terase, kaj sas kerde and-ol śopnǎ, karing o est-vesto. E jekhto śoptni sas vi e maj bari.

O duvar kaj phandelas e dujto terasa śaj ke agordelas pes krenelojença vaj parapecěnça kaśtune and-e opruni rig.

E trinto terasa sas ćak e akropola, thovdini but opre, trujardi duvarenθar inćintaqe, and-o trapezo.

Paś-e diz daćiko katar e Bänica si jekh andar ol maj śukar thana turistiko andar o źudeco Hunedoara: e Peśtera Boliaqi. Andar laθe thavdel e Źupïnǎsa, haj e peśtera sas laćhardi, kadja ke na si trebal ekipamento spećialo kaj te des tut tele kaj te dikhes kadava śukar vazdipen kerdo katar e natura. Maj but, and-e peśtera aśundǒl  pes but śukar, kathe keren pen konćertoja klasiko muzikaça, rocko, folko, koralo haj konćentoja kolindenqe k-o Kräćuno.

Paś-e Peśtera Boliaqi si ol Keji Bänicaqe, kaj azban tut anda o but śukar peisaźo.