E Kapela la Khangerăqi Evangeliko andral e Diz Ajud

E tikni khangeri reformime (purani Kapela evangeliko) andar o Ajud sas vazdini and-o śeliberś XIX p-o than jekhe khangerǎqo savi sas vazdini maśkar ol berśa  1333-1334. Martori bute evenimentojenθe andar o nakhipen, o monumento inkerdǎs pesqo rolo katar o astaripen, kodova thanesqo kultosqo. 

E lokaliteta Ajud andar o źudeco Alba, si ćaćǎrdi and-ol lila and-o berś 1293. And-e vremǎ voj sas, sar than dinimasqo, le prinćipenqo transilvanǎ. O elemento arhitektoniko śerutno si o komplekso prinʒardo le anaveça „E Diz le Ajudosqi”, kaj si jekh khangerǎ zorǎrdi, o duvar d-andral le turnojença, vazdimata ekleziastiko haj e Filatǐn Prinćiaro. Ages, e diz si kerdi andar e purani kapela evangeliko haj e khangeri reformato kalvino, trujarde jekhe thanesθar andral zorǎrdo. 

E kapela evangeliko sas vazdini and-o śeliberś XIX p-o than jekhe khangerǎqo savi sas vazdini and-ol berśa 1333-1334. 

E struktura kaj si akana la dizaqi si agordini pand-ol duvara andar kotora vorto, rotunźime p-e latura vastiko haj si len k-ol kolcoja duvara arakhimasqe. Akana ol duvara si uće de 10 metrǎ, thule vi kam de 2 metrǎ. Opre śaj dikhes ol metereze vaś ol arme jagaqe, saven si len andral jekh drom phirimasqo vaś ol sträźerǎ, buxlo kam de 1 metro.  Trine śeliberśença maj anglal, e diz sas trujardi jekhe śancosθar pherdo pani, andar e len Ajudel, kadja ke o akćeso sas dikhlo jekhe podosθar mobilo. 

---

E lokaliteta Ajud si la but vazdimata istoriko save aźukeren penqe manuśen. Maj but, kathar śaj te aven kerde rodinimata and-ol thana paśal, kaj arakhen pen obiektivoja sar si e Diz Kolceśti vaj o gav Rimetea.

E purani kapela evangeliko uimiei pand-o śudripen. Dikhel pes o amvono, e meseli vaś o altaro haj ol banke andar e nava le khangerǎqi. Savorren si len jekh buki komuno: o sadipen.