O Xaben Herćiniko

Trujardi katar ol purane Plaja Mäćin, e Dobroʒea garavel jekh barvalipen multikulturalo verver haj tradicie xamasqe, haj izdral, and-ol komuniteturǎ andar o Greći, Izvoarele, Telica haj but aver. Kadala lokaliteturǎ, fiesavi pesqe bukǎça, khuven khethanes jekh receaua paramićenqi xamasqe savi sikavel o xamipen kulturalo jekhutno le thanesqo.

And-o Greći, butǎrne italienǎ kerde jekh komuniteta kaj e pasta haj ol goja le kheresqe khuven pen le gustojença le thanesqe, ande jekh vakeripen maśkar ol tradicie haj neve influence. K-ol Izvoarele, e kuminiteta grećisko phenel pa laqe tradicie purane haj ol xamata save anen gogi lenqe phandlimatenθar purane, haj ke Telica o borśo ukrainiano fasulěsqo phenel pa sar e tradicia haj o nevipen xamasqo keren buki khethanes. 

Kathe, fiesavo baroges haj fiesavi meseli si jekh lośalipen le ververimasqo, kaj ol xamata sar si ol piperki piperença lole haj telemeaua bakrani, vaj borśo maćhesqo śutlǎrdo borśoça givesqo, barvalǎren e eksperienca le xamasqi. Ol Vareniki, kadala gäluśte ukrainiano pherde, si vaj gugle vaj londe, haj sikaven vi von o ververipen le xamasqo le thanesqo. 

Kadava than na-i numaj jekh than kaj arakhen pen gustoja, ama vi jekh than kaj khuven pen ol paramićǎ. Ol komuniteturǎ italiano, grećisko haj lipoveano anen pença tradicie haj ol recete dine katar jekh ʒeneracia avrǎθe, haj del kadja jekh felǎstrin karing o barvalipen kulturalo haj istoriko le Dobroʒeako. Katar ol paste k-o borśo, katar ol mariklǎ k-ol guglimata, fiesavo xaben si pherdo istoriaça haj sensoça.

O xaben Herćiniko si, kadja, jekh mozaiko gustojenqo haj tradicienqo, jekh vakeripen maśkar ol komuniteturǎ save phenen maj dur haj lośaren pen katar o ververipen kulturalo le Dobroʒeako. Fiesavi komuniteta vazden kadava peisaźo xamasqo pesqe bukǎnça, haj kerel jekh eksperienca xamasqi phari haj zorales manuśikani, savi akharel k-o arakhipen haj k-o ćajlǒvipen. 

---

Maśkar ol xamata tradicionalo xramosarde, saven trebul te xas len musaj kana aves and-e Dobroʒea, phenas: ol sarmale and-e patrǐn tejosqi haj lapato, fasuli thuvǎrimaça bakrano, pastrama bakrǎqi xävicaça, pastrama balani haj śośoj, tokitura bakrani, tokitura balani, vinete marde, fasuli mardo, marikli kiraleça akhorença haj avgin, kirośti (xaben andar manro peko, andar aluato droźdiaça pherdo maseça, kiral/orizi), nalangïte (tikne klätite barǎrde, save xan pen guglimaça, ʒemoça), kirala, skoverʒi, gisman (präźitura andar kolastra guruvnǎqi), värzäri (mariklǎ zelenimatença haj kiraleça), turte, kerdele (xabe patiseriaqo peko, andar manro phuko, pherdo kiral).

Sa kadja, kathe arakhesa vi jekh lista dïlgo bukǎnqi spećifiko le butǎrnesqe Moesis: zakuska, tokana legumenqi, ʒemo khilǎvenqo, guglipen kirǎsenqo, guglipen viśinenqo, guglipen trandafirenqo vaj akhora, kornulecoja rahatoça, kornulecoja untoça haj akhoreça, biskuicǎ kerde khere, vaj o manro guglo O Barvalipen le Mäćinosqo.