Vi o gav Kilieni, paśa o Somnal George, sar savorre gava paśal ol foroja, kerdǒl nevo sigo.
Ama, ande lesqo ilo, p-e jekh plajorro, dikhel vi akana e purani khangeri savi sas xulavdi maj anglal katar o Somnal Kilian. Voj phenel e paramići pa sar kerdǎs pes e komuniteta, e istoria kadale thaneqi haj del le thanesqe jekh ćaćo aero gavutno.
Peravdi maj butvar katar ol izdrajimata phuvǎqe, sas palemkerdi varesave laćhe sastǎrnenqi save sastǎren ʒivde manuśen. Kotora andar o zido paruvde penqo than haj sas palemzidime maśkar ol śeliberśa, ol pikturi muralo sas ućharde haj pućharde, kadja ke e khangeri de ages si sar e lumǎ ande savǎθe ʒivas: verver ama sakodoja.
E khangeri andar o Kilieni si o than kaj daśtis te dikhes sar kerdilǎs o paruvipen le pakǎimatenqo, le barrenqo, le fresćenqo.Kathe arakhes piktime ol marimata phuvǎqe paśa ol sćeni bibliko, arakhes o pakǎipen haj e gogi kadale gavesqi, ama vi so kamel vov.
Vaś ke opral o udar, aʒukerel tut o sikavipen le rajosqo, kadja sar makenas les ol gavutne: sar jekh foro barvalo haj śukar, le portasa pazime ïnʒerenθar. E paramići le thanesqi
Kerdi andar jekh nava kaj si andar e vremǎ medievalo, jekh absida pherdi haj buxlǎrdi, phanglimaça poligonalo haj jekh turno vazdino maj palal, and-o śelberś XIX, e khangeri vazdel pes p-e jekh plaj haj dikhǒl de dural. Si jekh andar ol maj purane haj maj śerutne vazdimata arhitekturalo trujal o foro o Somnal George, savi sas maj anglal o vazdipen de akanara, savǎqe urme dikhǒn vi ages, haj si and-ol lila de andar o berś 1322.
E piktura muralo sas kerdi k-o astaripen le śelberśesqo XV. Kana sas e Reforma, e khangeri nakhlǎs katar o kulto romano-katoliko k-o kulto reformine kalvino, haj and-ol palutne deśa berśa le śelberśesqe XVI k-o unitariano. Ande kadaja vremǎ ol fresće sas ućharde varoça, ol sakristi sas peravde haj o udar savo ingerelas karing kadala sas zidime haj labǎrdi sar barr pherimasqo vaj vi e kristelnica skulptime and-o barr, andar e vremǎ medievalo le khangerǎqi. Pala kadaja, e piktura sas lini parpale haj thodi and-e khangeri. O sikavipen la paramićaqo le Somnale Ladislauosqo
Paśa ol śukar kotora barresqe skulptime, e khangeri inkerel vi jekh but śukar freska kaj sikavel e paramići le Somnale Ladislavosqi, jekhe bukǎça jekhutni and-e seria le pikturenqi muralo transilvano: „o mukhipen tele le ilesqo” le kumanosqo. Ages, ol but śukar kotora freskaqe si pućharde, nevǎrde haj daśtil pes te oven dikhle.
And-o reʒistro oprutno le duvarenqo d-and-o nordo haj vesto daśtias te dikhas e seria le sikavimatenqi inkalde andar e paramići le Somnale Ladislavosqe.So kerel la verver avre sikavimatenθar ikonografiko, e sćena le Ćhinimasqi le śeresqi le kumanosqi si la jekh buki jekhtuni, savi kerel la verver savorre okolavre fresćenθar piktime ande aver khangerǎ transilvänǎno. Ande kadaja, o kumano mardo vazdel pesqo ilo karing e ćhej savǎ ćordǎsas la haj akana si gata te del les la sabiaça. Daśtias te xakǎras kadava ʒesto ćiudato le kumaosqo sar jekh „mukhipen tele pesqe ilesqo” vaś o kreśtinismo, jekh zoralo simbolo and-e ikonografia kreśtino katoliko, phenel o Jánó Mihály, jekh prinʒardo istoriko artaqo. Korkorutne eksperience
O foro Somnal George si prinʒardo anda ol pharimata kerde vaś o vazdipen la kulturako kontemporano laćhi, kadja ke, na orsar, ol spektakoloka teatrosqe andar o repertorio le Teatrosqo Tamási Áron (teatro ande ćhib magǎrikani) haj le Teatrosqo Andrej Mureśanu si but rodine turiśtenθar. Haj te kamena te lośaren tumen katar e eksperienca te aśunen jekh konćerto muzikaqe klasiko ande jekh than but śukar, atunći trebul te dikhen e khangeri reformime zorǎrdi andar o foro Somnal George, and-ol gesa kana si thode konćertoja.
Linko kopiime! 
.jpg?locale=rr)
Ʒa maj dur le Google
