E khangeri unitariano andar o Kikiś

But vremǎ sas ći ʒanglǎs pes kana sas kerdi e khangeri unitariano andar o Kikiś, o źudeco Kovasna. Feri pala jekh jag kaj rimosardǎs la, and-o berś 1954, de tal-e tenkujala xali paněsθar inklile duvaresqe pikturǎ kaj phenen laqi paramići, andar so nakhlǎs haj sode de purani si. Inklili k-o agor le śelberśesqo XIII, haj atunćǎθar nakhlǎs andar kodobor rimosarimata haj palemkerimata, ke kadaja śukar parni khangeri si sar jekh ćirikli Pheoniks, biandili pala haj pala sarkonvar andar pesqe aćhilimata. 

Bari buki si ke pe laqe duvara inkerdǎs pes jekh freska sćenença andar e paramići le Ladislauosqi, e sćena la Dizaqi haj  la Inklǒjimasqi, sikavindoj le Somnale Ladislauos paśa pesqe soldacǎ. 

Kana aresen kathe, daśtin te ʒan and-e khangeri andar o sudo. Dikhena phangle moça o udar, kaj si sar jekh felǎstrin medievalo. E tradicia phenel ke kadava toko udaresqo, jekhe na but malade phanglimaça, daśtilas te avel kerdo katar jekh soldato boldino andar o phanglipen le xoraxajenqo, ama daśtilas te avel vi andar e arhitektura le Lahïkane Themesqi. 

Nići e vremǎ, nići ol pharimata ći rimosajle o gi le manuśenqo haj ages arakhena kathe jekh śukar khangeri haj manuśa puterde kherença. 

---

E paramići le thanesqi

O Kikiś si k-o ćhorimasqo muj le Lenǎqo Kalo and-o Olto. E jekhto khangeri unitariano le thanesqi, kaj sas butvar palemkerdi le berśenθar, sas uźǎrdi anglal sar khangeri romano-katoliko.

And-o berś 1568, pala o Edikto katar e Turda, o maj baro kotor la Transilvaniaqo kerdilo protestanto. Penqe pastoreça, ol manuśa andar o Kikiś pakǎjle ol neve gogǎ palemkerimasqe le Ferencosqe Dávid. Kadǎ, e purani khangeri haj sani atunćǎθar sas barǎrdi, o sanktuaro sas dino tele haj buxlǎrdo karing o esto, paralelo le buxlǎrimaça le naososqo angluno. Sas kerdi andre jekh rig andar o sanktuaro, andar savesθe inke dikhǒne sakristia haj ol trin tikne felǎstrina kore de tal-o truśul. Pala e tradicia vakerdi, e khangeri sas vazdini katar ol saśǎ andar o Preźmer.

---

O sikavipen la paramićaqo le Somnale Ladislauosqo  

E maj kuć buki artaqi dekorativo le vazdimasqi si jekh kompozicia duvaresqi kaj sikavel jekh sćena andar e paramići le Somnale Ladislauosqi.

Ol duvaresqe pikturǎ sas liparde ande jekh andar ol lipariamta la parohiaqe reformime andar o berś 1884, kana sas palemkerdi atunći, haj pala kodoja inklile pal-o baro phabaripen andar o berś 1954. And-ol śelberśa XVI haj XVIII, sar vi ande aver thana le themesqe, ol duvaresq pikturǎ medievalo sas makhle vaj tenkujme and-ol khangerǎ protestanto andar e Sekujmǎ P-e baza le freskaqe kotorenqi, ol rodale phende ke, ćaćimasθe, si duj sćeni andar o ćiklo la Paramićaqo le Somnale Ladislauosqo kaj bućhol e sćena la Dizaqi haj le Inklǒjimasqi. 

---

Korkorutne eksperience

Daśtin te phiraven tumen andar e Natura Park Kikiś, o maj baro parko sportivo amare themesθar, jekha tiknǎ barǎça zooloʒiko haj daśtin te xan ke jekh andar ol restaurantoja kathar, kaj xal pes xaben gulo tradicionalo but, haj k-o agor daśtina te phenen ke kerden jekh ekskursia but laćhi!