E gotiko khangeri le thanesqi, garavdi k-ol punre le plajenqe le Ćukosqe, si vazdini p-ol romaniko fundacii haj si śukar na feri andar ol ćirkularo xurǎjimata haj sar si kerdi laqi sakristia, tha vi andar ol duvaresqe pikturǎ gotiko kaj ći paruvdile. Ol medievalo lila phende jekhtovar pala e khangeri le gavesqi and-o berś 1583. Voj sas palemvazdini maj butvar, sar si akana si andar o maśkar le śelberśesqo XIX.
E khangeri kerdi anda „o Keripen le Somnale Ćhajorrǎqo”, vaś ke si kerdi e Somnal Marjia haj ol oxto somnal ʒuvlǎ de paś-o altaro, kerel than anda o sikavipen le ʒuvlikane somnalimasqo biberśenqo. Na si prǎ but ol devlikane khera kaj malavas kodobor de but sikavimata varesave somnale ʒuvlǎnqe.
Kadaja ogesqi zor buxlǎrdǎs gogǎθe varesave xakǎrimata antropoloʒiko ʒuvlikane dikhimasθar, ćak vi e paramići le Somnale Ladislauosqi, kaj arakhas la ande varesode kotora freskaqe vi k-o Armäśeni. E ʒuvli ćorrdi katar o kumano puterel pes pes paś-o xastrajitori, andar jekh maripen zoralo putarimasqo andar o phanglipen le bidevlesqe manuśesqo. E paramići le thanesqi
Ol manuśa andar o Armäśeni gilǎben śukar. Aven lośale k-e liturgia haj, lenqe raśajeça, lel rig kadalaθe gilǎbindoj ol imnoja haj ol liturʒiko amboldimata. Keren kadala kamimaça haj but laćhes. Ol manuśa kaj gilǎben and-o koro maladǒn k-ol repeticii, haj kadaja buki kerel kaj ol liturgii andar e khageri te anen lośalipen haj ogesqo paśipen maśkar sa ol manuśa. Ol manuśa kathar respektin kamimaça penqe tradicii, haj jekh andar ol maj śerutne haj maj aźukerde baregesa si O Thodipen la Koroanaqo katar e Somnal Ćhajorri Marjia, and-o paluno kurko le ćhonesqo august, ande fiesavo berś.
Jekhe geseça angla kadava but aźukerdo baroges xurǎvel pes lulugǎnça e statuja le Somnale Ćhajorrǎqi Marjia. O dujto ges, ol terne le gavesqe xurǎvde popularo anen e statuja le Devlesqe Ćhajorrǎqi bute manuśença k-e khangeri. Kathe, jekh ćhaj mangel le raśajes te ćhol e koroana lulugǎnqi khuvdi katar ol terne p-o śero le Somnale Ćhajorrǎqo. Pala so kerel pes kadaja kerel pes o diipen le pakivalenqo le somnale Ćhajorrǎqe, haj o phiripen devlikano bute manuśenqo p-ol droma le gavesqe la statujaça la Ćhajorrǎqi; ol gavutne si xurǎvde and-ol popularo gada.
O sikavipen la paramićǎqo le Somnale Ladislauosqo
E bolta la tribunaqi baroko ućharel ages jekh śerutni rig le thanesqi piktime. Daśtias te dikhas feri ol palune sćeni le butimasqe paramićaqe: o ćhinipen le punresqo le kumanosqo haj o mudaripen kadalesqo. Kadale kotorenqe freskaqe palem kerde and-o berś 2011, daśtisajlo te phenel pes ke kadala sas piktime varekaj maśkar ol berśa 1410–1420 haj si kerde katar sa kodova meśtero kaj kerdǎs vi ol pikturi duvaresqe katar e khangeri romano-katoliko andar o Mihäileni haj e khangeri unitariano andar o Dïrźiu.
Korkorutne eksperience
Kana si tumen drom and-e kadava than, milaje vaj ivende, meritil te laćharen tumaro programo kadale duje śerutne momentojença andar o ʒivipen le manuśenqo kathar.
And-o paluno kurko andar o august kerel pes O Thodipen la Koroanaqo katar e Somnal Ćhajorri Marjia, kaj dikhena jekh phiripen bute pakivale manuśenqo andar o Armäśeni and-ol gada baregesenqe.
Jekh aver momento spećialo anda ol manuśa katar o Armäśeni si o Kräćuno. P-e baza jekhe tǎtrosqe lilesqi xramosardo and-o dialekto kathar and-o berś 1920 katar varesode manuśa kerdǎs pes jekh spektakolo Bethlen. O spektakolo si kheldo atunćaθar, sarkon berśesθe, k-o agor le Adventosqo, and-o aźuno ke Kräćunosqo.
Kana sa sen kathe, aćhen frimi k-o śukar konako Adorján Imre, jekh ćaći kapodopera arhitekturaqi andar e xarr Fiśag, kaj sikavel o baripen le nobilěnqe sekujenqo. Kathe arakhena jekh kher kaj sikavel o laćho ʒivipen andar o śelberś XIX, kadǎ sar sas vov haj lośarena tumen katar ol manuśa kaj aźukeren tumen puterde ileça. Anglal te ʒan tumenqe, nakhen vi k-ol „paśutne”, mukhindoj tumen ingerde katar e sung le gugle peke laćhimatenqi kathar.
Linko kopiime! 
Ʒa maj dur le Google
