E khangeri reformime andar o Pädureni

Thovdino ćak and-o maśkar le themesqo, o gav Pädureni fal jekh than drabardo. Kathe, o śukaripen la naturaqo thovdǎs khethanes savremǎ le manuśen kaj beśen kathe haj kodolen kaj avile andar aver riga.

Dikh sar zinzǒn ol plaja zelena, ol vazǎ barvale, ol panǎ le lakosqe de paśal. San and-e bar la khangerǎqi reformime andar o Pädureni, vazdini andar barr and-o śelberś XIII. Palemkerdi varesodevar, e khangeri sikavel ke kathar nakhle but manuśa kaj lenqo pakǎjipen sas les jekh lungo istoria. Sarkon berśa andine paruvimata, sarkon śelberś paruvdǎs la ʒi ages haj sikadǒl sar sas and-o berś 1887, kana palemkerdili.

Vi ke ol duvara andrune la khangerǎqe sas xurǎvde la temaça paramisiaqi le somnale Ladislauosqi, pala e Reforma, ol fresći sas ućharde haj lenqo lisaripen xasardilo and-ol berśa.

Ages ʒanas ke sikavelas le Somnale Ladislauos haj le Somnale Śtefanos la Ungariaqo (977-1038) vaś ke sas kopiime and-e akuarela haj krejono katar o József Huszka, and-o berś 1891. Pala kadala desenoja, varesode imaʒini sas xastravde te tal-o varo. Kadja, k-o nivelo la orgaqe galeriaqo si jekh kotor andar e sćena Inklǒvimasqi andar e diz le Somnale Ladislauosqi vi jekh reprezentarǎ le Somnale Mihailosqi.

Pala so barvaililen informaciença but kuć pala ol nakhle berśa kadale sunesqe thanesqe, akharas tumen te dikhen ol plaja de paś-o Pädureni, kaj den tumen 17 droma phirimasqe, te najon and-e xaing sastǎrimasqe paněça vaj te dikhen o garavipen akanutno andar phuv mardi katar o agor le gavesqo. Ći fala tumen nasul! 

Lośalimasqe, e khangeri maj inkerel varesode fresći vi ages. Duj duvara mamujune la khangerǎθar sas xurǎvde sakodoja paramisiaça le Somnale thagareça Ladislau, ande duj verver istorikane kotora, ama numaj jekh lenθar aćhili opre haj inke si kathe.

K-o nivelo la orgaqe galeriaqo si jekh kotor andar jekh buki kerdi and-o śelberś XIV, kaj sikavel e sćena Inklǒvimasqi andar e diz andar e paramisi le Somnale Ladislauosqi, haj vi varesode grastenqe manuśa. Tala kadava kotor daśtil te dikhǒl vi jekh reprezentarǎ le Somnale Mihailosqi.

Kana areses ande kadala thana, trebal musaj te dikhes o Lako Pädureni katar e Moakśa-Pädureni, kana te kana sas pherǎrdo maćhença katar e Asoćiacia Generalo le Ʒivutrenqe Astarnenqe haj le Maćharenqe Sportivo andar e Romïnia. Kathe si thana spećialo kerdo vaś-o kampingo, daśtis te keres windsurfingo vaj feri te relaksis tut haj te najos ande lesqe panǎ.