E Mänästirǎ benediktino sas kerdi trujal o berś 1084 katar o thagar kavalero Ladislau o jekhto o Somnal. Si prinʒardi ke kathe sas varesode śelberśa o vast ćaćo laćhardo le Somnale thagaresqo Śtefan, o maj śerutno aćhilipen le kreśtinismosqo medievalo andar e Ungaria. Kathar si vi o anav Sïnjob, Szentjobb, kaj amboldel pes o Somnal Ćaćo Vast.
O ansamblo-monumento si kerdo andar e reśedinca la abaciaqi romano-katoliko, e khangeri abacialo, haj ol aćhilimata le zorǎrde dizaqe andar o śelberl XVII.
O vazdipen abacialo sas vazdino opral o thulo kilo sud-estiko le dizaqo renasćentisto haj paruvdi maj butvar. Kathe beśle butʒangle śerutne manuśa, kaj mukhle penqi amprenta ande kadava than.
Phenel pes ke, pala so andǎs pes palem andar e Dalmacia o vast le Somnale thagaresqo Śtefan katar e thagarni Maria Tereza le Thagarimasqe Habsburʒiko, and-o berś 1771, o raśaj la maśkarune mänästirǎqo le Ordinosqo Benediktino dǎs la khangerǎqe andar o Sïnjob jekh tabloo sumnakajardo le ćaće vasteça piktime p-e keź, la dedikaciaça xramosardi le vasteça katar e thagarni. E paramići la mänästirǎqi benediktino kerdi katar o thagar Ladislau o jekhto.
Pala e Paramići le Hartvikesqi kata puterdilo o limori le thagaresqo Śtefan o jekhto, and-o berś 1083, ana sas kerdo somnal katar o papa Grigore o eftato, o kälugäro kanoniko Merkurius sas sas dino rigaθe te paś-o mulo, kaj te na ćorel ol kokala. Atunći, avilǎs jekh inʒeri angl-o kälugäro haj dǎs les o ćaćo vast le mulesqo, pakǎrdo, phenindoj lesqe te inkerel les , haj feri kana avela o ges te phenel pa kadala. O Merkurius ingerdǎs o vast ke pesqi khangeri de paś-o Barkäo, and-o Bihor, haj phendǎs so sas feri and-o berś 1084, kana avilo o thagar Ladislau o jekhto. Vov phendǎs le thagaresqe ke o Del kamel te inkerel o vast ande kodova than haj o thagar kerdǎs ande kodova than jekh mänästirǎ kaj bućhol o Somnal Śtefan.
Jekh aver opinia, maj ćaći, phirel p-e baza le lilesqo dino katar o Thagar Śtefan o trinto, haj phenel ke ol kokala sas ankalavde maj anglal, śaj ke k-o astaripen le berśesqo 1060, kana o trupo le thagaresqo sas ingerdo k-o Székesfehérvár, haj o kanoniko Merkurius ćordǎsas o ćaćo vast. Korkorutne eksperience
E khangeri maj inkerel vi jekh ikoana la Somnale Ćhajorrǎça andar o Brno, jekh but kuć buki artaqi, piktime and-o śelberś XVIII, ande sarkon berś and-o ćhon septembrie, o than avel jekh śerutno than phirimasqo.
Anda o aćhipen, ol turośtǎ maj daśtin te dikhen ol tate najimasqe thana katar o Sïnikolau Plajesqo haj o Kompleko tate paněnqo Adorianis andar o Sarkäu, kaj si k-ol 5 kilometroja katar o Sïnjob. O than si butʒanglo vi anda ol molǎqe thana haj ol khera agroturistiko katar o Sïntimbru, Säkujeni haj Margita.
Linko kopiime! 
Ʒa maj dur le Google
