O drom le mänästirenqo andar e zona la Moldovǎqo
E ilesqi esenca rumunikani: Mänästirurea andar e ”Bukovina telal o ćeri”.
P-o Drom le Män2astirenqo andar e Moldova prinʒaras zorales o patrimonio rumunikano, vazdino, bukǎrdo vaj mothovdo. Gaʒe vaj rumunurea sea kadala, seam akharde katar o vak le toakaθar thaj mukhas tele amare śera k-o aśunipen le gilǎnqo texarinǎθar. Beśas amenqe sa la fel sar ol raja pakivale d’anglal thaj barvalas amen le śukaripnaça le rangǎrimatenqo murale lolesθe k-o Humor, źïltosθe k-e Kośula vaj zelenesθe k-e Arbore.
Sa kathe arakhas ol so maj inspirime rangǎrimata, ol so maj kompleksea broderie, sea kerdine and-e lungone berśa bukǎrimasqe thaj milisaripnasqe. Biźuterie le zestraqe themutni rumunikani, varesode lile akanutnes prinʒaripen UNESCO, thaj ame, ol phirutne, nakhavas len pakipnaça o prago.
Linko kopiime! 
Ker konto labǎrindoj Google
