E kaśtuni khangeri O Baro Somnal Mućeniko George - Dragoslavele

Pala so nakhes o tang podo kaśtuno pasto paj Dïmbovica, ӡa maj dur bi te daras p-o drom barrutno plajesqo kaj si and-e ӡuvlikani rig. Dikhesa maj anglal e troica kaśtuni. P-e murśikani rig, andar o udarorro puterdo, sar jekh akharipen te arakhes la, dikhel pes e khangeri.

Si jekh andar ol khangerǎ phirutne. Inkerel pesθe o śukaripen le kaśtune khangerǎnqo maramureśenǎ haj fal ke si kathe d-ande sa e vrǎma. Avesa azbajlo te dikhes ke e Khangeri le skitosqi Dragoslavele sas andini katar o Predealo, kaj sasas andini andar e Borśa Maramureśosqi. K-o Predealo sas than rugimasqo anda ol terne străźerǎ sikavde katar o thagar o Karol o II-to.

Akana bućhol o Baro Somnal Mućeniko George haj o Somnal Proroko o Ilie o Tesviteano, haj e khangeri sas vazdini maśkar ol berśa 1675-1700.

Ke kamlǎs o Patriarho Justinian Marina la Romïniaqo, e khangeri aresli k-o Dragoslavele and-o berś1949, haj sas palem vazdini lokhorres katar o maestro Dimitresku, kaj te avel than vaś-o śandipen haj te primin pen ol delegacii avrutne.

E piktura andruni si originalo, and-o stilo gavutno, jekh paś inkerdǎs pes. Śukar si vi e skulptura and-o kaśt tejosqo andar savo kerdǎs pes e katapeteasma haj ol stranǎ.

Beś jekh cïra and-o ćerdako la khangerǎqo haj le and-ol angalǎ le jakhença o rangipen le plajenqo Dragosloveni!

---

Isimata arhitekturalo

E kaśtuni khangeri le skitosqi Dragoslavele si la jekh arhitektura laqi, and-o stilo maramureśano, le uće haj vranome turlaça, kaj si sar klopotnica.

Ol zidoja la khangerǎqe si kerde andar bïrne kaśtune, sa o vazdipen si thodo pe jekh ućo socklo, zidime andar barra. O giripen andre kerel pes andar jekh zuralo kaśtuno udar. E Khangeri si ućardi śindrilaça, haj le akoperiśos si les jekh streaśina but buxli, kaj ućarel o ćerdako kerdo pe sa o dïlgipen le rigaqo sudiko la khangerǎqo.

---

I pasamisi le thanesqi

O gav sas kerdo si katar o Dragoslav avilo andar o Haceg. Ande jekh lil rajikano katar o Matej Basarab phenel pes ke avile k-o Dragoslavele niśte manuśa andar o Haceg, kaj rodenas sumnakaj and-o kiśaj andar o paj Dïmbovica.

Jekh buki interesanto si ke and-o Dragoslavele sas kerdi katar o ing. Dimitrie Dima, jekh uzina elektriko, haj kadava than sas o jekhto than gavesqo elektrifikime andar e Romïnia.

---

Śukar eksperience

E komuna Dragoslavele aӡukerel tut bute devlikane obiektivurença kaj trebal te dikhes len ande kiro drom, sar si e Khangeri o Sovipen le Devlesqe Dajorrǎqo, e Khangeri o Uśtipen le Devlesqo, o Truśul le Matejosqo Basarab, o Truśul le Luposqo Vameś, haj vi o Truśul le Komanosqo Pïrkälab.

 Maj but, kodola kaj plaćal len e natura daśtin te dikhen ol śukar klidina haj e peśtera la Dïmbovićoaraqi, o Lako Pećinǎgu, vaj daśtin te xuten p-ol plaja Jezer-Päpuśa, Fägäraś, Piatra Kraiuluj haj Leaota.