O Ansamblo la Kulaqo Duka

Vazdini and-o berś 1812, e Kula Duka vazdel pes barikani pand-o baripen le zidurenqo haj e arhitektura bidośaqo, haj si jekh ćaćo sikavipen le stilosqo arhitekturalo oltenicko. Thodi and-o tradicionalo gav Mäldäreśti andar o źudeco Vïlćea, e kula si but miśto thodi and-o Komplekso Muzealo Mäldäreśti, khethanes le Khereça Memorialo I.G. Duka haj e Kula Grećeanu, haj keren jekh triungio le istorikane barvalimasqo. 

E Kula kerel tut te aćhes bimujesqo pande laqi geometria perfekto, zidurença barrutne so keren tut te anes tuqe gogi pa ol vremurǎ kana ol khera zorǎrde sas o agorutno refuʒio kana ol xoraxaja haj ol haidućǎ phenenas ke mudaren tut. Verver avre kasave vazdimatenθar, kathe dikhesa sar o but baro foiśoro si but miśto thodo, haj khuvel e arhitektura le arakhimasqi le thanença kaj beśel pes. Kadja, sikavel pes ke kadava monumento arhitektoniko si duje felojenqo. Ol thana andral si dreptungiularo, but miśto thode p-ol trin niveloja, haj del le vazdimasqe but baro zorǎripen, haj daśtil te dikhel pes vi so śukar kerde sǎ ol bukǎ ol meśterǎ oltenǎ and-ol stukature le ornamentojença lulugenqe haj ol porrǎ sirenenqe, line andar o  Fiziologo bizantino, kaj keren len but maj śukar.

---

Xarno istoriko rodinipen

O I.G. Duka sas jekh manuś politiko but laćho haj kuć, teoretićiano le liberalismosqo haj kamelas kaj ol bukǎ te aven nevǎrde. Les sas les jekh andar ol maj bare haj maj laćhe kariere politiko vaś savǎθe vov kerdǎs but buki: deputato and-o parlamento kana sas les 26 berśa, ministro kana sas les 38 berśa haj jekhto-ministro kana sas les 54 berśa.                                                                         

---

E paramići le thanesqi

Pa e paramići le thanesqi, e Kula Duka sas vazdini sar replika le kheresqi kaj beśelas o dad haj e daj le Tudoresqi Maldär, o baro la armataqo le Mihajosqe Viteazu, kerdi kaθar o Georgicä Mäldäresku and-o berś 1821. Pa o Baro phenel pes ke kamelas le ćhaja kodolesqi savo phandlǎsas les and-e Asia haj na but pala kadaja, naślǎs laça. Von garavde pen and-o kher le Mäldarosqo. 

And-o berś 1910, o I.G. Duka kinel kadaja kula haj sikavel sar godisarel vov o vazdipen kadalaqo. Vov kerel la and-o stilo tradicionalo gaʒikano, haj thol andral bukǎ but eleganto: ćarre kerde vastesθar, purane ikoane haj kovoroja save khuvdǒn and-jekh than but miśto haj sikaven e paramići jekhe manuśesqi savo paruvdǎs vareso and-e politika rumunikani. Maj palal, e kula sas lini kaθar o stato and-o berś 1962 haj sas nevǎrdi haj paruvdi and-jekh muzeo.

---

Bukǎ jekhutne kaj ʒives len:

---

Kana areslǎn ande kadava śukar than si musaj te dikhes vi e Kula Grećeanu, e maj purani kula haj jekh andar ol maj śukar andar e Romïnia. E kula bućhol kadja vaś ke, varekana, nakhlǎs pande zestrǎ andar e familia Mäldäresku, k-e familia Grećeanu. O vazdipen si and-o themutno kulturalo barvalipen haj si rig vi voj andar o Komplekso Muzealo Mäldäreśti.

---

Kames te xakǎres tut sar and-ol purane vremurǎ? Phenas tuqe te beśes k-o Konako le Maldärosqo, jekh kula oltenicko andar o śeliberś XVI, kaj si ande sakodoja komuna. O konako si les arkade and-o stilo brïnkovenicko, kile kaśtukane, udara haj mobilieri skulptime haj sǎ si dekorime suvimatença suvde k-o vast but śukar.

Na maj dur de 4 km si e lokalitatǎ Horezu, ćentro ćikaqo kaj si and-o barvalipen UNESCO. 

E Kula Duka si jekh kotor ćaćo andar e istoria le Romïniaqi, haj kana aves kathe ʒas pe jekh drom ćak andre and-e kultura le Olteniaqi.