O patrimonio indigeno la komunaqi Bogdan Vodä

Bogdan Vodä, sar sea ol gava le Maramureśesqo tradicionalo, daśtil pes te thol pes telal o semno la ”ćiviliaqo le kaśtesqe”. Sea ol vazdimata kherutne sas kerdine sea kaśtesθar - astarindoj katar e giravipnasqi porta, e ververutne sistemurǎ inklodomasqo, ol aneksea kherutne thaj o kher, vazdimata save śurǎren ol industrie gavutne, ol khangerea - e khangeri, ol truśula hotarosqe, ol semnurǎ limoresqe - vazdimata social kulturikane thaj administrativo ʒi k-o agor le XIX-to śelberś thaj o astaripen le XX-to śelberś. 

E komuna Bogdan Vodä, isindi thovdi and-e zona la Izaki’ i maśkarutni, ʒi na but vaxt anglal sas jekh zona le veśenqo koniferenθar, maj tele lizierença steźarosqe, sikavel o vazdipnasqo materialo dominanto, e kaśt räśinoasenθar (brado thaj o moliso). 

So maj but, o kher thaj sea ol vazdimata trujal sas len e ućhardi śtare pajença, kerdi p-e jekh śarpanta kaśtesqe save sasas marde dranicea bradosqe ke duj riga. O sikavipen le kheresqo sas dini katar e ućhardi kadalesqo (kan ⅔ andar e l¨cimea le duvalenqe) but ući thaj cugujme, kaś te thabdel maj lokhes ol iva buteder save sas and-ol ivenda maramureśenea. Ol duvale le vazdimatenqo maj phurane sas kerde berandenθar trjale thovdine and-o sistemo Blokbau phanglile kolcurenθe and-e ketoarea rumunikani. 

Astarindoj pes le XIx-to śelberś sikavel pes o sistemo phanglimatesqe le berandenqo and-e ketoarea nemcisko. 

---

Xarno historikano mothovipen 

E lokaliteta Bogdan Voda, prinʒardi le anaveça kaj sas lan maj anglal Kuhea, si jekh than jekhe historiaça fasćinanto, pesqe ranika zinzareindoj pes but and-o nakhlo vaxt. Ol rodimata arheologiko andar e zona kadaja sikavdǎs dovezea la isipnasqe kadalesqe thanesqe inke andar e epoka le bronzosqe thaj palal and-e epoka le sastresqe (Hallstatt) Kadala märtrie historikane den jekh dikhipen and-o vaxt barvalo thaj komplekso la lokalitetaqi. 

And-o berś 1365, e lokaliteta Kuhea thaj ol gava paśutne, sar Ieud, Boćikoel, Viśeea, Moisei, Borśa, Säliśtea Opral thaj Säćel, sas dine katar o thagar la Ungariaqo, Ludovik I-to d’Anjou, le Balkosqe thaj Dragosqe, ol nepocea le Dragośesqe Vodä, save sasas naśavde andar e Moldova katar o Boga=dan. Kadaja buki sas jekh pokinipen andar lenqe dukhaimata. 

---

Śerutne manuśa 

Bogdan o I-to, o kerditori la Moldovaqo, sas zor phendo voievodo le sastes Maramureśosqe andar jekh xarni perioada, and-o vaxt la rajpnasqi le thagaresqe magǎro Karol Robert d’Anjou (1308-1342), avindoj e ”kapitala” voievodalo ke Kuhnea. Lilǎ pesqi pakiv and-ol marimata mamuj e tätarenqo, maśkar inkursiunurǎ karing o esto, maśkar o Paso Prislop ʒi and-ol thana la Moldoviaqo. Bogdan o I-to lel te beśel ke Baia kaj, and-ol kodola 4 berśa rajpnasθar - sar phenel o Letopiseco katar e Putna - mardǎs pes maj dur vaś o arakhaipen la independenciaqo le nevo themesqo kerdo, Moldova, ʒi k-o pesqo meripen and-o berś 1367. 

---

Jekhutne bukǎ save si te ʒives len

Kaj si e komuna malavas pensiunurǎ turistikane thaj agroturistike save den le vizitatorenqe jekhutne bukǎ save si te ʒives len. Andar e zona astaren pen but trasea turistikane tematike save roden o daśtipen naturalo thaj kulturalo la zonaqo. Ol manuśa kaj aven te dikhen e komuna daśtin te kinen bukǎ artizanatosqe influenciença kulturalo multietnike, kerde katar ol bukǎrne kathar.