E Mänästirǎ Teodoreni, kerdi and-o berś 1597 katar o postelniko o Teodor Movilä, si dikhli sar „e phen maj tikni” la Mänästirǎqi Sućevica, inkerindoj e semnifikacia istoriko haj arhitekturalo ke Movileśtenqi, jekh familia xulajenqi.
O plano arhitekturalo la khangerǎqo, kerdo katar o Konstantin Batiśte, inkerel e tradicia le stilosqi arhitekturalo moldovenisko, jekha formaça trilobato jekhuni, sikavindoj o altaro, o naoso haj o pronaoso. Ol thule duvara karieraqe barresqe kerde kaj e khangeri te avel zorali vi ke ol berśa sas phare.
E khangeri, trujardi katar jekh pridvoro boltime haj xurǎvdi oknicença, sikavel jekh stilo moldovenisko ćaćo, influencença gotiko and-ol ankadramentoja le felǎstrinǎnqe. E pardosǎla, kerdi andar steźarosqo parketo dino katar e thagarni e Ekaterina e dujto la Rusiaqi and-o berś 1785, inkerel inke bukǎ andar kodola berśa. Śerutne bukǎ inventarosqe, sar si e purani katapetǎsma, ol ikoani, e strana kantoralo andar o berś 1597 haj devlikane lila andar ol śelberśa XVII-XVIII, pherǎren o barvalipen la mänästirǎqo.
Andre and-e khangeri, p-o duvar andar e daxni rig, paś-o giripen, inkerel pes jekh purano tabloo somnal le vazdinitorenqo, portretojença and-o baripen naturalo kaj sikaven le Teodoros Movilä, o vazdinitori la khangerǎqo, haj paśe lesθe le Mironos Kostin, baro butʒanglo manuś kodole berśenqo, inkerindoj and-o zervo vast jekh tiknorri khangeri. And-e sćena si vareso interesanto: e khangeri si kerdi ande jekh forma maj purani laqi, bipridvorosqi, sikavindoj o barǎripen arhitekturalo la khangerǎqo berśenθar. Kadaja buki del na feri barvalipen artistiko, ama vi informacii śerutne pa ol paruvimata andar savenθe nakhli e khangeri.
E tradicia phenel ke and-e rig daxni le pronaososqi, tala jekh lespedǎ barresqi, si o than kaj sovel bimerimasqo o vazdinitori, o Teodor Movilä. Kadaja buki kerel la khangerǎ barikani haj pakivali, sikavindoj o phanglipen zoralo maśkar o vazdinitori haj kadava somnal than.
E paramisi le thanesqi
E khangeri, bipisaniaqi, inkerel jekh than nango kaj trebalas te avel kadaja. Sakadalença, p-o kontraforto le altarosqo, tala jekh lespedǎ, si xramosardo „KOS 1597 BT”, inke ći ʒanel pes so phenel. Kadja, o garavipen le xramosarimasqo maj thol jekh garavipen and-e istoria la khangerǎqi, śaj ke si phanglimata manuśença haj evenimentojença andar laqe anglune berśa dukhale.
E paramisi phenel pa jekh giripen garavdo la mänästirǎqo Teodoreni, jekh tunelo tal-e phuv garavdo, śaj te si jekh than nakhimasqo tal-o duvar sudiko. Kadava tunelo sas andar jekh vazdipen zoralo andar e bar la mänästirǎqo, xalo berśenθar. Maśkar ol berśa 1957-58, maj dikhelas pes and-o than kadale vazdimasqo jekh turno peravdo kaj bućholas Hulubäria, le ućharimaça rimome. Pakǎl pes ke kadava turno sas maj but desar duj niveloja haj sas kerdo anda o kidipen le bukǎnqo. Paśa lesθe, jekh xïv and-e phuv sikavelas o astaripen jekhe tunelosqo vaj bećo kaj vortǎrelas pes karing avri haj pala savesθe e paramisi phenel ke sas phiravdo ćak vi katar ol manuśa le Śtefanosqe-Vodä.
Linko kopiime! 
Ʒa maj dur le Google
