E Mänästiră „o Somnal Nikolae”, Fïstïći

Anda orkon avel ande laθe, e Mänästirǎ „o Somnal Nikolae” andar o gav Fïstïći si jekh thanorro laćhimasqo haj jekh than pherǎrimasqo ogesqo. Kathe e vremǎ zinzǒl, kiro gi si and-e paćǎ, e khangeri si „sar jekh imno lalo, śukar, kadale xarrǎqo”.

O ansamblo monahalo katar o Fïstïći cïrdel tut sosqe si ćhuto p-o maj ućo plajorro le veśesqo. O than bućholas vi o Veśano, sosqe kothe ʒivdǎs varekana jekh manuś bimanuśença. Sa kadǎ, phenel pes ke kathar astardǎs o Śtefan o Baro o nevo maripen katar o Ućo Podo. 

E facada la khangerǎqi si but śukar haj uźǒrri. Si amen duj kotora xurǎjimasqe ulavde katar jekh kuśtik kaj inklǒl avri, paśićirkularo. E opruni kotor si xurǎvdi motivojença veʒetalo, and-ol rämi kärämizěnθar and-ol kunǎ haj kodova teluno si kerdo andar maj but uće arkaturǎ trilobime.

Kadaja buki kerdǎs le arhitekcen te phenen ke o xurǎjipen si jekh „ćaćaripen le nakhle laćhe bukǎqo” kaj na daśtil te avel kerdo sa kadǎ averenθar haj nići pherǎrdo kothe kaj rimosajlo.

Akana, and-e mänästirǎ keren pen atelierǎ bukǎnqe haj kreaciaqe: buki vasteça, truśula, kore, ikoane andar e tehnika ulavimasqi le kaśtune litografienqi. Kadǎ ke si tut katar le alosares jekh souveniro kaj te anel tuqe gogi pala e eksperienca kathar! Maj but, si vi aver turistiko thana kaj daśtis te dikhes len: o Parko Kopou, o Tǎtro Milajesqo haj ol Barrǎ Rajikane andar o foro Vasluj, kaj si but paśe.

---

Xarno istoriko rodinipen

E jekhto khangeri andar o ansamblo sas vazdini and-o śelberś XVII, haj palal, and-o berś 1721, o Vojevodo o Mihaj Rakovicä vazdinǎs e khangeri kaj si akana. 

But berśa maj palal, and-o berś 1834 kerdǎs pes vi e klopotnica, o trujalǎrdo duvar haj ol livnǒrrǎ, haj pala so ol barvalimata le mänästirǎqe sas line haj ol kälugäroja grećǎ gele penqe, e mänästirǎ avilǎs khangeri mirosqi. 

Pala o berś 1990, e khangeri kerdili mänästirǎ murśikani, haj andar o berś 1993, mänästirǎ ʒuvlikani.

---

Jekhune bukǎ arhitekturalo

E Mänästirǎ Fïstïći si la jekh stilo arhitekturalo śukar. Kadaja si but bari haj laqo dekoro si śukar, haj laćho si vi o khuvipen le stilosqo moldovisko bukǎnça andar kodova bizantino. 

Akana, o devlikano kher si kerdo andar o turno udaresqo klopotnicaça, o kher le śerutnenqo la mänästirǎqo haj o duvar andruno, kerde and-o śelberś XIX. O baro turno si kerdo andar kärämida, trine etaźojença haj jekh ućharipen and-o stilo baroko. 

E arhitektura le vazdimasqi si la varesode śukar detalii, sar si ke e facada andar vestiko rig sas xurǎvdi „Le Devlesqe Jakheça” haj duje tikne felǎstrinença trujale. Sa p-e vestiko rig si kerdi vi e stema la Moldovaqi.