Khera tradicionalo and-e lokaliteta Preźmer

E komuna Preźmer, laqe vazdimatença inkerde andar vremoja purane haj le tradiciença biparuvde, sikavel jekh testamento ʒivdo le arhitekturaqo säśisko, inkerindoj pesqo śukaripen ćaćo berśenθar. 

Ol khera arhitekturaça tradicionalo, xurǎvde ornamentojença simplo, figurativo vaj motivoja burrenqe haj lulugěnqe si pherde istoriaça savi sikavel barikani jekh mośtenirǎ barvali, barǎrdi śelberśenθar.

E paramići le komunaqi Preźmer, ćaćǎrdi and-ol lila inke andar o berś 1240, phenel ke sas kerdi katar o ordino le kavalerenqo teutonǎ. Vi kadja, e analiza le oriʒinǎqi slavo le anavesqi le lokalitetaqo and-e rumunikani ćhib haj magǎro sikavel o śajutnipen ke sas kathe jekh than maj purano slavo. 

E komuna Preźmer si thodi and-o than xarrǎqo le Depresiunǎqo le Themesqe la Bïrsaqo andar e Depresiunǎ le Braśovosqi haj si kerdi andar trin gava: Preźmer, e Lunka le Kïlnikosqi haj ol Stupinǎ le Preźmerosqe. E komuna si jekh eksemplo miśto inkerdo katar o gav saśisko zorǎrdo andar o śelberś XIII.

E arhitektura la komunaqi Preźmer si sikavdi jekhe pjacaθar ćentralo, and-o ilo savǎqo si o maj śerutno vazdipen reliʒioso, e khangeri evangeliko, vazdini and-o stilo goriko anglutno. And-o komplekso arakhimasqo trujardo arakhas livnǎ vaś ol provizie, o kher le raśajesqo, haj vi jekh livni labǎrdi sar sala klasaqi kana sas marimata p-e lenθe.  

Kadala zorǎrimata keren jekh diz gavutni ćaći, haj si len rolo śerutno and-o arakhipen le thanesqo estiko la Transilvaniaqo kontra le xoraxajenqi haj avre nasulimatenqi d-atunćara. 

And-e komuna Preźmer, ol tradicie haj ol baregesa le thanesqe, sar si o prinʒardp Karnavalo (Fasching) vaj o Festivalo le Klätitenqo, astaren ʒivipen ande fiesavo berś. Te avela tut o śajutnipen te les rig jekhesθe andar ol evenimentoja kulturalo le thanesqe, jekh vizita kathe cirdel tut te ʒas ande jekh lumǎ izdravdi, kaj e istoria haj e kultura tradicionalo si and-o maśkar.