Xramosardi jekhto var and-ol lila historikane and-o berś 1276, e komuna o Pani le Kriśosqe si jekh than importanciaça but bari and-e kultura le źudekosqo Kluź. Kathe phangeln pen prasaça e artistikano keripen popularo thaj e arta le bukǎripnasqe le kaśtesqe.
And-o kadava kolco themesθar, ol tradicie thaj ol aśarimata thanutne aćhile biparuvde intǎl le śelbeśenqo, dinindoj amenqejekh filastrin and-o vaxt karing e zona prinʒardi le anaveça o Them la Kälatǎqe. Thovdine la numaj 43 kilometrǎ katar o munićipio Kluź-Napoka, o drom ʒi kathe kerel ka o rodipen la barvalipmasqe kulturikano te avel k-o vast savorenqo.
Arhitektura spećifikani la zonaqo gavutni lośarel ke jakha elementurença kaśtesqe, fundacie thaj podele barresθar kerdine. ”O Kher le siklǎrnesqe” andar e Nearśova, vazdini and-o 1918, avel angle maśkar pesqi arhitekturaça autentiko, kaj inkǎrel o stilo le vaxtesqe, thaj ol khera andar o Pani le Kriśosqe thaj Nearśova, isindoj andar ol berśa 0920-1924, si ćaće biźuterje le bukǎrimasqe kathar, elementurença skulptome thaj tïmpläria originalo.
Fiesavi gospodäria si lan jekh paramići, thaj ol porte si o giravipen karing kadaja lunja pherdi tradiciaθar thaj historiaθar. Ol duvala le kherenqo vazdine barresθar thaj kaśtesθar, tïrnacurǎ, pripe thaj ol bećr uće sastǎren kadala opere artaqe arhitektoniko. Ol ućhalina tradicionale, maj anglal sulumenθar, sas paruvde śindrilaθar thaj ciglaθar ćeramiko.
Phiravindoj and-e kadale thana, arakhesa na numaj jekh ćhinipen andar e historia le źudecosqo Kluź, tha’ ʒivesa and-o maśkar jekhe mozaikosqe tradicienθar, bukǎrimatenθar thaj ospitaliteta autentiko. Lośar tut fiesavo kolcosθar paramićaθar thaj mukh tut xurǎvdo le farmekosθar le gospodärienθar andar o komuna o Pani le Kriśesqo! Spećifikane bukǎrimata
E komuna Pani le Kriśosqe sas savaxt dikhli sar jekh phurani vatra ćivilizaciaqi thaj kulturaqi thanutni, jekhe historiaça kaj si śeleberśenθar. Ol manuśa bukǎrne sas o gi thaj o ilo kadalesqo than andar o źudeco Kluź. E buki thaj e abnegacia kadalenqo inkǎrdǎs ko barǎripen thaj o laćhǎripen le bukǎrimatenqo p-ol thana kaj ʒivisarde, ingǎrindoj maj dur ol tradicie thanutne vać ol avutne generacie, kaj k-o lenqo rig dena maj dur o misal lenqo but phure dadenqo.
O bukǎripen sas vazdino k-o rango artaqi artizanalo, and-o vaxt so ol manuśa le thanesqe aresle but laćhe and-o bukǎripen le kaśtesqe thaj le bukǎnqo andar lesθe de maj but e śelebrśenθar. Ol lila le thanesqe anel godi pala’i lokaliteta Pani le Kriśesqo sar vi o than kaj barǎrdǎs pes ”e industria tikni”. Jekhutne bukǎkaj si te ʒives len
O plajn Riszeg arakhel pes and-o Pani le Kriśesqe thaj tradel o gav. P-o versanto khameça kadalesqe plajnesqe daśtil pes te arakhes jekh planta kaj arakhel pes cira anavǎrdi Tulikina tikni vaj ”Daphne cneorum”. Kadaja planta dinǎs vi o anav le plajnesqe kaj avel andar e magǎrutni ćhib (Riszeg Virag). E tulikina tikni si jekh tikno rukhorro originaθar mediteraneano kaj si len zelene patrina sa vaxt le berśesqe, thaj ol luludǎ si len e rang rozo, haj khanden but śukar. Kadala si thovdine aksialo vaj and-e luludǎrença p-ol riga. Luludǎrel and-ol ćhona aprilo-majo thaj arakhel pes p-ol pante kalkarutne thaj barrutne.
Linko kopiime! 
0264257140 - Primăria Comunei Izvoru Crișului
Ʒa maj dur le Google
