Gospodärie tradicionalutne and-e komuna Muʒeni

Zinzarel pes p-ol solduj malurea le pajesqe Tärnava Bari thaj del but sea so si e kultura la Transilvaniaqe. Kathe sas arakhle vestiʒie andar o neolitik, bordeja medievalo haj sa kathe daśtis te dikhes purane bare khangerǎ.

E komuna Muʒeni anel ol turisturǎ maśkar e tradicionalutni arjitektura, folkloro, thaj vi maśkar ol tradicie xabenasqo. Nakhivindoj maśkar o gav daśtis te dikhes e mäiestrja le gavutnenqo kaj vazdelas penqe khera lesqe vastença, kaj inkerde śela berśenθar. 

O talento thaj o godisaripen le thanutnenqo dikhel pes vi end-e skulptura le poartenqo. Von kerde jekh sundal paramiśǎθar formença abstrakte thaj simboliko, mortivurença organike, botanike thaj ʒivutrikane, kosmiće thaj maj but religioso. 

Ol śerutne mistie le thanitnenqe kaθar sas, thaj si inke e agrikultura thaj o barǎripen le ʒivutrenqo. 

But paśal le neve kurentenθar ekologistike, kadala khera daśtin te thon e Trnasilvania p-e harta le beśimatenqo inkerdine thaj dine le turismosqo sa kadja sar ol gava le vikingenqo vaj kodole andar o sudo le Franciaqo. 

Aven te dikhen len, kadja daśtin vi te xatren len! 

E komuna Muʒeni thaj e Depresiunea Muʒeni thaj si kerdi andar 7 gava: Lutica, Beta, Deźucu, Mätiśeni, Aluniś thaj Täjetura. O giravipen and-o gav daśtil te kerel pes vi rutieros, thaj vi feroviaros. 

---

E paramići le thanesqi

O khera tradicionalutne si vazdine thanutne materialença: barr, kaśt, ćik, śindrila. O kher thaj ol anekse si karakteristike la zonaqi, thaj e prispa si jekh molani rig la gospodäriaqi. Sar elementurǎ dekorimasoq daśtis te dikhas ol stïlpurea pe pridvorosqe kerdine pala’ol tradicie la zonaqe, sar si e berand meśter dekorime modelença luludǎnça but phurane. And-ol vazdimata but phurane, p-ol beranda maj arakhen pen xramosarimata andar o berś la vazdinimasqe. 

E gospodäria si kerdi andar kher, milajesqi bukätäria, graźdo thaj śura. 

Jekh andar ol gospodärie, phurani maj bit e 150 berśenθar, prinʒardi sar ”o kher molimatença”, anel ol turiturea na numaj andar pesqo arhitekturalo śukaripen, thaj vi maśkar o arakhajpen le ververutne bukǎrimata. Kathe daśtis te dikhas sar kerelas pes o khil, thaj na sasas bistarde nići e filatura pośomasθar, olärito, apikultura, o rangǎripen le anrenqo, dulgerito vaj o sastrǎripen. 

---

Jekhune eksperience

E komuna Muʒeni si and-e raza jekhe ariaθar proteźime - Natura 2000. Kadja ke e flora thaj e fauna si jekhe molimaça but bari. 

Daśtin te aven dikhle vi ol khangerǎ andar e zona: O Ansamblo la Khangerǎqi reformime andar Mätiśeni, e Khangeri reformime andar Lutica, thaj vi o Ansamblo la Khangerǎqo reformime andar Muʒeni.