I Khangeri Kaśtesqi O Svunto Dumitro – Botośana

Areses lokhes k-i Botośama, si numak k-o epaś ćasosθar katar I Sućeava. Te dikhes miśto sosqe kathe arakhesa jekh andar ol so maj śukar paramićǎ le kaśtesqi.  

Phenela tuqe kadaja jekh phurani khangeri, le hramoça Svunto Dumitru, vazdini and-o berś 1810, andar bradosqe beranda, agorisarde and-i ”ćiriklǎqi pori”, le talpaça ćindi andar steźarosqe kaśt thaj ućharipnaça andar śindrila, mardi solzenθe, buxli straśinaça, sar jekh milajesqi stadǎça. O monumento si les truśulaqi forma. Sungal phurano kaśt thaj busujoko. 

I paramići phenela tuqe maj dur, jekg steźaro, jekh but śukar rukh. Si maj phuro desar amenθe, desar i khangeri, śaj vi desar gavesθe. Ućo maj but e 17 metrǎ, lesqi buxli korona zinzarel pes maj buxli desar o khangerǎqo ućkaripen. K-i pesqi ućhar, phenl pes ke beślo vi o Śtefano o Baro. 

Kam k-o 1530, o gav sas jekhe ʒuvlǎqo. Sa katar jekh ʒuvlǎθar phanglel pes vi I historia la khangerǎqi. Paśa’o altaro arakhesa o praxomasqo than la ʒuvlǎqo jekhes andar ol anglutne raśaja, pesqo meripen sas k-e numaj 26 berśa, isindoj sar jekh sakrifićio andar o savaxtutno ʒivipen.  

Aćaripnasθe i khangeri si putardi, sosqe kathe, and-o gi le gavesqi, ol pakǎvne manuśa kiden pen k-i sluźba and-o fiesavo ges kurkesθar thaj barodives, de maj but e 200 berśenθar.  

Kadja sar phenel I pisanja kaj si and-o pridvoro la khangerǎqo, kadaja sas vazdini and-o berś 1810 katar o meśtero Grogore Ulian andar o Cimpulung Moldovenesk. . 

And-o berś 1843, svunto thanorro vaś o kulto andar I Botośana avenas na maj cira e 1.036 pakǎvne, kaj sas tradine katar o raśaj Konstantin Hurźuj. Pesqi ʒuvli, Domnika Hurźuj, muli de tikni kana sas lan numaj 26 berśa, isindoj praxome and-i ćaći rig le altarosqi, p-o praxomasqo than kadalǎqi isindoj jekh barresqi truśul savǎθe si xramome kiriliće gravinença e biandipnasqo dives, e abǎqo dives thaj e merimasqo dives.

I khangeri kaśtesqi andar I Botośana si lan jekh but baro inventaro, de maj but de 200 artaqi bukǎ jekh historikani molimaça, isindoj andar ol śelberśa XVIII-XIX.

Maj but, maśkar o ikonostaso ranǎrdo and-o orientalo stilo thaj kerdino jekhvar le khangerǎça. Kathe maj arakhen pen vi aver duj riga rangǎrde. Jekh andar lenθe si andar o berś 1859 thaj sikavel ol sćene andar o dukhavipen le Xastrajtoresqi, isindoj p-o duval kaj xulavel o pronaoso katar o naoso. O dujto rig daśtis te dikhas les p-o nordikano duval le naososqo thaj fal pes ke sasas le phurane khangerǎqo le gavesqi.  

Botośana si jekh than tradicionalutno spećifikoça bareder, i komuna isindoj I gazda butedere aktivitenθar thaj berśikane evenimenturenθar vaś o prinʒaripen le aćarimatenqo, le tradicienqo thaj popularo artaqi, sar si Kajucii andar i Botośana, Le gospodarienqo Balo vaj o Festivalo Bukovineano Doro.   

Maj but, daśtis te maj nakhes vi katar aver turistikane thana trjaθar, sar si o Gavutno Muzeo ”Vasile Boka”, i Khangeri ”Svunto Ilja”, o Śelbeśikano Steźaro savo si o gavesqo simbolo andar o gi la lokalitaqi Botośana, thaj vi o Steźaro andar i Kajvana, kaj si les jekh phuripen de paś 500 berśenθar