O xaben deltaiko

And-o ilo izdravdo la Deltaqo le Dunärǎqi, kaj ol panǎ aresen k-o ćeri ande jekh spektakolo naturaqo uźi, garavel pes jekh barvalipen xamasqo savo aźukerel te avel arakhlo: o Borśo Peskärisko. Kadava felo xamasqo, maj but desar jekh simplo receta, si jekh paramići le komunitetaqi, jekh tradicia dini jekhe ʒeneraciaθar avrǎθe, kerdi barikanimaça haj kamipnaça katar ol maćharǎ lipovenǎ vorta p-ol panǎ la deltaqe. 

E deranil arakhel le maćharěn le thanesqe ande lenqe barke, khethanes bute maćhença abǎ astarde – śtiuka, somno, krapo, plätikä – fiesavo del jekh nota verver k-e aroma palutni le borśosqi. Ande jekh ćeauni thodo pe jekh sobica thodi ćak and-e barka ćhel pes pani, haj o phiripen le xamasqo astarel le kiravimaça le kolompirenqi haj la purumaqi.

Sar inklel o kham haj ol panǎ la deltaqe astaren te tatǒn, ol maćhe si thode lokhes, e jekhtovar kodola saven si len mas maj zoralo. Pala so von den penqo gusto le paněsqe, ćhel pes vi okolaver maćhe. Te kames, ol rośie śaj te den gusto laćho, den jekh nota milajesqi, haj o leuśteano vaj e celina pheren e ekperienca le aromenqi.  

Xal pes siraça, haj o borśo peskärisko na-i numaj jekh meseli, ama vi jekh momento phandlimasqo le gieça le Deltaqo, jekh akharipen te dikhes o śukaripen haj o sadipen le ʒivimasqo andar kadala thana. 

Kana arakhes o borśo peskärisko, barvalǎres tut na numaj jekhe recetaça, ama jekhe rigaça andar o gi le Deltaqo la Dunäreqi, jekh than kaj e tradicia haj e natura phuven pen ande jekh khelipen biaćhimasqo. Si jekh sikavipen le ʒivimasqo and-e paćǎ le paněnça, jekh baroges le ververimasqo kulturalo, kaj fiesavi meseli si jekh paramići, fiesavo gusto jekh anipen gogǎqo. 

---

Bukǎ tradicionalo le thanesqe 

Salata "Deltaika" ikrença kraposqe (salata tradicionalo ikrença kraposqe) - buki śerutni andar e Delta le Dunäreaqi, haj xal pes savorre meselǎnθe perkärisko kathar;