COLONIA ULPIA TRAIANA AUGUSTA DACICA SARMIZEGETUSA

Kana nakhes andar e śukar depresiunǎ le Themesqi le Hacegosqo, ker jekh popaso istoriko k-e Sarmizegetusa! Arakhesa kathe jekh andar ol maj śerutne sitoja arheoloʒiko de p-o than la Romïniaqo - Colonia Ulpia Traiana Augusta Dacica Sarmizegetusa.

Kaś te avel miśto haj interaktivo vaś ol manuśa kaj aven te dikhen, k-o giripen andre and-o sito arheoloʒiko vazdela pes maj palal jekh vazdipen nevo, thanença muzealo haj anekse, ande jekh projekto pokindo katar o  PNRR kerdo katar o UAT, o Źudeco Hunedoara.

And-ol neve thana sikavimasqe avena thode but miśto ol maj śerutne artefaktoja andar o muzeo de akana. Maśkar e diʒitalizarǎ 3D, ʒasa lokhes and-o universo but śukar le forosqo purano. O palemkeripen le ćhudimaça andre le materialosqo inkerdo sar sas jekhaqo andar ol xaninga katar o giripen andre and-e pjaca - Nimphaeum - avela jekh andar ol bukǎ kaj na aʒukeres tut te dikhes len k-o muzeo. 

O vazdipen inkerela vi thana vaś o laćharipen le lokhǎrimatenqo le manuśenqo save aven, sar si jekh punkto informacienqo haj ʒaben and-o sito, ama vi jekh sala kaj daśtis te keres maj but bukǎ, kaj inkerena pen projekcie, vakerimata vaś ol phirimata sikavde vaj ekspozicie kaj na inkeren but. 

---

Kuć bukǎ

Thodo and-e receaua muzealo haj le monumentojenqi le Muzeosqi Ćivilizaciaqo Daćiko haj Romano andar e Deva, o muzeo de akana sikavel so kuć si ol bukǎ arakhle and-o sito arheoloʒiko Colonia Ulpia Traiana Augusta Dacica Sarmizegetusa. 

Ande lesqe thana sikavimasqe daśtis te dikhes: monumentoja epigrafiko haj skulpture, kotora andar statuje imperialo save kerenas e pjaca le forosqi maj śukar, mozaiko, kotora andar ekipamento militaro, bukǎ andar bronzo, kokalo, ćeramika, stikla, love haj biźuterie. Savorre kadala phenen pa jekh epoka pherdi rafinamento haj barǎripen kulturalo. 

Maśkar e tehnoloʒia eksperimentalo, ol rodinitorǎ kaj ćajlǒl len zumavnde te sikaven le manuśesqe kaj avel te dikhel, sar trebul te avilesas kadala bukǎ and-o II-to haj o III-to śeliberś palal o Hristos. 

---

Jekhutne bukǎ kaj ʒives len

Sode nakhlǎs e vremǎ, ol peravimata le forosqe romano dine materialo vazdimasqe vaś but vazdimata kothar. Maśkar kadala, si vi maj but kahngerǎ barrutne andar o Them le Hacegosqo. But paśe katar e Sarmizegetusa si ol khangerǎ andar o Densuś, Ostrov haj Sïntämärie-Orlea. Trebul te aves te dikhes! 

Jekh aver objektivo turistiko but śukar si e Diz Kolc, savi dinǎs gogǎge phurdipen le but prinʒarde xramosares franćezo, o Jules Verne kana xramosardǎs o romano „E Filatǐn andar o Karpaci”.

Haj te kamesa te ʒanes maj but pa o Hatzegopteryx haj o Balauro tikno, dikh o Ʒeoparko le Dinozaurenqo „O Them la Hacegosqo”!