O Drom pavime – O Sito arheoloʒiko Sarmizegetusa Regia

O baripen le sanktuarosqo katar e Grädiśtea le Plajesqi si thodo telal jekh semno śukarimasqo savorri vremǎ, haj kerel le manuśen save aven te dikhen les but kurioso kaś te prinʒaren e ćivilizacia haj o gi but miśto le daćenqo. 

Jekh andar ol maj interesanto bukǎ kaj keren o sanktuaro si o drom pavime plakença kalkarosqe. Śaj ke si vazdino k-o maśkar le I-tone śeliberśesqo anglal o Hristos, haj kadava kerelas o phandlipen maśkar o zorǎripen haj o than sfïnto. P- lesqo dïlgipen kerenas pen ol phirimata, haj o agorutno punkto sas jekh pavime pjaca vi voj sa dalença kalkarosqe, haj sas paśa o baro templo rotundo.

Maśkar lesqi arhitektura, kadava drom laćharelas o ʒaben ande jekh than sikavdo katar ol devela. Lesqe forme klaro, śukar laćharde haj khuvde, sikavenas ke vov si rigaθe katar ol bukǎ de fiesavo ges. Pala sar dikhǒl pes andar ol raportoja le rodinimatenqe arheoloʒiko, o drom sas kerdo andar maj but trepte xarne haj, andar jekh than avresθe, andar planoja orizontalo. Kasave trepte laćharenas o phiripen telal p-o drom pavime, haj mangenas jekh kasavo ritmo. O efekto kerdo katar o phiripen le manuśenqo, save phiraven p-o drom ol dinimata vaś ol devela sas but śukar. Godisar tut so baro sas o momento!

Vaś ke atunći kana kamesa te aves te dikhes les, na maj avela numaj jekh drom pavime. Ingerela tut k-o templo!

---

Bukǎ arhitekturalo

Ol rodinimata arheoloʒiko sikavde ke o drom pavime sas les duj dromorre, p-o traseo lesqo prinʒardo. K-o jekhto dromorro, jekh drom tikno andar dale andezitosqe, gresia haj kalkaro perenas andar o drom pavime, haj ingerelas k-o vazdipen le kultosqo de pe IX-to terasa. 

K-o dujto dromorro, phares te phenes kaj si,  o drom pavime xulavelas pes inke jekhvar, kadja ke jekh rig ingerelas karing o baro templo andar andezito de pe X-to terasa, haj okojaver rig ʒalas karing e XI-to terasa. 

O drom pavime sas trujardo bordurenθar kerde andar blokoja kalkarosqe, pe varesave kotora sas labǎrde plake kalkarosqe, thode bangǎrde. Ol butʒangle dine e ipoteza ke kadala bordure inkerenas ol kile jekhe kaśtukane akoperiśesqe.  

---

Kuć bukǎ

Ol artefaktoja arakhle k-e Grädiśtea le Plajesqi - Sarmizegetusa Regia sikavel ke ol daćǎ sas but laćhe butǎrne ande arta la bukǎqi le sastreça, le barreça vaj le ćikaça. 

Ol maj śukar peravimata prinʒarde ʒi ages si ol zlaga maj bute spiralença andar jekh somnakaj but kuć, but andar lenθe si len maj but de 1 kg pharipen. 

E ćeramika piktime motivojença lulugǎnqe haj ʒivutrenqe vaj motivojença ʒeometriko phare, e vesela la meselǎqi but śukar, influencença mediteraneano save dikhen pen, ol bukǎ la phuvǎça vaj la bukǎqe le kaśteça, ol bukǎ vaś ol sastǎ but kuć, ol biźuterie andar sastri kuć, ol sirimǎ le grastenqe haj ol arme, si vi von sa kadja de but ćaćǎrimata le laćhimasqe le butǎrnenqe daćǎ. 

---

Jekhutne bukǎ kaj ʒives len

Te kamesa te ʒanes maj but bukǎ pa ol daćǎ, ama vi pa o sito arheoloʒiko, le rig k-o evenimento „O Ges le portenqo putarde”, savo inkerel pes ande fiesavo berś k-e Grädiśtea le Plajesqi - Sarmizegetusa Regia. Kadale evenimentosθe, maśkar niśte turoja sikavde, si dine vi ol rezultatoja le rodinimatenqe arheoloʒiko andar kodova berś. Jekh kasavo evenimento inkerel pes vi k-e diz daćiko katar o Kosteśti-Ćetäcuie.

Haj kana ćajlǒn tut ol sikavimata marimasqe, ritualoja daćiko haj romano, khelimata, ćeremonie haj antrenamentoja militaro, atelieroja interaktivo vaj konkursoja xamasqe sar kerelas pes maj anglal, arakhesa savorre kadala k-o festivalo le palemkerimasqe le purane istoriaqo Dak Fest, evenimento kerdo ande fiesavo berś p-o platovo katar e Mägura le Urojosqo, paśa e Simeria.