E DIZ LE ŹIMBOROSQI

Kana ol peravimata saven dikhas len ages p-o Plaj Źimbor daśtinas te den duma, phenenas amenqe siguro e paramići jekh śukar dizaqe saśisko, jekhe roloça śerutno and-o ʒivipen le gavutnenqo. Ande laθe garavenas pen ol manśa kana sas vremǎ phari, ama kothe vi lośarenas pen ol manuśa kana sas jekh baro ges. E Diz le Źimborosqo sas vazdini andar barr haj sas tikno. O zido de andral si les forma jekhe pentagonosqi kaj na-i regulato. 
O zorǎripen si les jekh bastiono, jekh vazdipen la portaqo haj jekh turno patrulatero, kaj sas thodo o kuduni, savo phenelas le manuśenqe kana sas vareso nasul. 

Jekh purano xramosaripen ćaćǎrel o nevǎripen d-andar o berś 1692, pala so avile ol tätarǎ kaś te vazden le rajes o Emeric Thököly, and-o maripen kontra le habsburʒenqi.

So uimiel tut vi akana pala so nakhle but berśa si o śerutnipen arhitektoniko le vazdimasqo medievalo, martori savo na phenel khanći pa e komuniteta saśisko maj d-anglal. 

---

Xarno istoriko rodinipen

Na ʒanel pes kana sas vazdini e diz. And-o berś 1877, o Rozsondai József, kaj sas raśaj and-o gav, xramosarelas ke e diz Źimbor sas vazdini kana sas vazdini vi e diz andar e Rupea haj vi ol khangerǎ zorǎrde andar aver gava de paśal, and-e dujto rig le śeliberśesqi XIII. Si vi xramosarne kaj phenen ke o zorǎripen si d-andar o śeliberś XV vaj XVI.

Jekh punkto katar te astarel vaś e kronoloʒia le dizaqi si sikavdo p-o xramosaripen saves dikhesa les and-o ankadramento le udaresqo katar o giripen andre, kaj śaj ke si mardo o berś le nevǎrimasqo - 1692 haj ol anava le vazdinitorenqo. Ol jekhto duj karaktere, and-e grafia runiko (and-o amboldipen EGY) si vi ol litere latino: SJ 1692 HJ. MM PL.

---

Bukǎ arhitekturalo

E maj purani rig le zorǎrimasqi si o bastiono kaj si and-o kolco sud-vestiko le zidosqo de andral. Kadales si les forma dreptungiularo haj si les trin niveloja. Pe fiesavo nivelo sas po duj livnǎ. O giripen andre kerelas pes andar e bar de andral. E śopni kaj ingerelas k-ol niveloja oprutne, bangǎrdi opral ol girimata andre katar o parteri haj o subsolo, na maj dikhǒl ages. 

Ʒi and-o berś 40 le śeliberśesqo kaj nakhlǎs, ol manuśa le thanesqe inkerenas e slanina and-o bastiono la dizaqo, pala sar phenelas jekh purano aćar, prinʒardo ande savorre gava saśisko andar o Them la Bïrsaqo. 

---

Jekhtune eksperience kaj ʒives len

Kana areslǎn pe kadala śukar thana, trebul te aves gata te beśes varesode gesa. Si but te dikhes! 

Vaś o astaripen, daśtis te dikhes ol but śukar bukǎ la naturaqe: O Vulkano Mulo, E Len Smaraldosqi, Ol Koloane Bazaltosqe katar o Rakoś vaj ol Vulkanǎ Ćikale andar ol Panǎ Homorod. And-o gav Merkeaśa arakhesa tut le Phure Rukhesa, kodova savo lilǎs o konkurso „O maj phuro rukh andar e Romïnia”, kaj inkerdǎs pes and-o berś 2009.

Śaj te ʒas pala kadaja te keres jekh rodinipen and-e istoria le thanesqi, haj te dikhes e Diz Rupea haj ol khangerǎ evangeliko zorǎrde andar e Rupea, Homorod, Merkeaśa haj Źimbor.