O KASTRO ROMANO KATAR E HINOVA

O kastro romano katar e Hinova si andar ol maj śerutne vazdimata militaro de p-o sistemo arakhimasqo dunäreano, rig andar o sistemo le zorǎrimatenqo savo dikhelas e granica katar o nord-esto le Thagarimasqo Romano. 

Arakhesa ol peravimata lesqe p-o zervo malo la Dunäreaqo, k-o nordo katar  e lokaliteta Hinova, paśa jekh sas kidipen gränićerenqo. Vazdino k-o agor le III-tone śeliberśesqo palal o Hristos, o kastro romano sas les o rolo te rakhel kon phirel p-o phuro pani Danubius, ama vi o akćeso karing e Daćia Ripensis. 

Peravdo and-ol berśa 378-379 haj kerdo palem, o kastro sas ʒi k-o astaripen le V-tone śeliberśesqo, haj si jekh sikavipen ke sa beśelas pes and-o than le Daćiaqo Dunäreano. 

Putar vi tu jekh felǎstrin karing o baripen le nakhimasqo, maśkar jekh phiripen sar and-ol paramićǎ p-ol śukar thana mehedinceano! 

---

Bukǎ arhitekturalo

O kastro romano katar e Hinova si les jekh plano dreptungiularo, le barimaça de 45,85 × 39,80 metrǎ, haj zinzarel pes pes jekh than kam de 1.825 mp. And-o vazdipen le zidosqo le akharimasqo sas thode efta turnurǎ formaça patrulatero. E porta kaj ʒas andre sas p-e rig d-and-o sudo le zorǎrimasqo, haj sas akhardi duje turnurenθar dreptungiularo. 

Ol date arheoloʒiko sikaven ke sas 16 thana, kaj beśenas ol soldavǎ haj ol manuśa andar o kastro, haj aver sas labǎrde sar depozitoja armenqe. 

O korkorro kher andar o kastro si le komandantosqo, savo sas baro de 5 x 3,45 metrǎ. Andral o zorǎripen śaj ke maj sas thana vaś ol ʒivutre, haj vi jekh than kaj inkerenas pen ol xamata. 

---

Kuć bukǎ

And-o berś 1980, pala so kerde pen xunavimata arheoloʒiko paśa o kastro katar e Hinova, inklilǎs avri jekh but baro tezauro purano, saves si les kam 9.639 kotora somnakutne, kadala si bukǎ sar biźuterie, phare kam de 5 kilogramoja. Kadala sikaven jekh xakǎripen artistiko sar na maj dikhlǎs pes le butǎrnenqo save kerde len, ta vi o nivelo but baro la bukǎqo le somnakajesqi ande kodoja vremǎ. 

Jekh kopia le but kuć tezaurosqi strafǎl ages and-e ekspozicia de savorri vremǎ la Sekciaqi Istoria-Arheoloʒia le Muzeosqi le Thanesqi ol Porte Sastrune andar e Drobeta-Turnu Severin.

---

Jekuthe bukǎ kaj ʒives len

Kana kames e istoria, phenas tuqe te aves te dikhes e Drobeta-Turnu Severin kana si ol duj bare evenimentoja inkerde kathe: o Festivalo Dako-Romano Drubeta haj o Festivalo Medievalo la Dizaqo le Severinosqi. Dikhesa parade, antrenamentoja haj sikavimata militaro, prinʒaresa bukǎ interesanto andar e istoria amare phurenqi haj daśtisa te les rig k-ol atelieroja haj ol konkursoja dine le origanizatorenθar. Savorre kadala, ande jekh atmosfera gilěnça, khelimaça haj lośaça.

Le gilěnça haj le khelimaça arakhesa tut vi k-o evenimento o Severino Estivalo.