E Filatin Thobias andar e Śejka’i Bari

Maśkar ol plajna pherde farmekosθar le lokalitetaqi Boarta andar o źudeco Sibiu beśel o enigmatiqo Filatin  Thobias jekh tikno molipen kaj garavel pesqe tajne maśkar ol phurane duvala. Jekh historiaça xurǎvdi and-o jekh mistero thaj riga cira ʒangle informacienθar, kadava filatin lośarel thaj intrigil sa la fel. 

Ol historiqe surse si bare and-e kodoja kaj dikhel o isipen le filatinesqe. And-o berś 1648, o xramosaripen jekhe propietaqi kaj sasas le Berzesqe Margit andar e Mihalyfalva andar o komitato Fejer (źudeco Alba) kaj fal tuqe jekh asoćierea, tha’ maj nangi thaj durǎl, le kodolaça kaj ages anavǎras e Filatin Thobias. Savorre Kadalença, jekh xramosarpen gravime and-o phurano kaśt le duvalesqe andar o subsolo fal te sikavel jekh śerutno ges - o berś 1770/ Phenel pes ke andar kadava berś astardǎs pes o vazdipen le filatinesqe and-i lesqi akanutni forma, maj cira ol thodimata kaj maj sasas andine and-o XX-to śelberś. Ol lila le vaxtesqe den duma pala’i jekh proprieteta duj kherença, jekh pridvoro but baro thaj pivnica, grïnaro, śura vaś o vurdon, graźdo vaś ol grasta, tha’ si amen cïra informacie pala ol vazdimata ćaće.

Akana avrǎl e filatin sikavel ol karakteristiće jekhe rajnako kheresqe magǎriqo transilvaneano. Lesqo misal arhitekturalo, planeça dreptungǔlaro ćentralo thaj ol turnurǎ elegante save vazden pen zejanθe, den jekh sikavipnasqo kamipen le socialutno statusosqe le manuśenqe lesqe kaj beśenas kothe. 

Kana o nakhlo vaxt si xuravdo and-o mistero, o avutno vaxt le filatinesqe si jekh savo maj si les orizonturǎ prinʒarde: and-o berś 2020 sas kindo katar o fondatorǎ le Śkolaqe Finlandezo andar o Sibiu, save kamen te restaurin les thaj te paruven les and-o jekh ćentro sikajpnasqe vaś ol ćhave, terne thaj adulcea, adinoj les palem kadja and-o maśkar la komunitaqi. 

E Filatin si and-o gav Boarta, kaj si rig andar e komuna Śejka’i Bari- jekh destinacia potolo thaj pherdi farmekosθar, jekh filastrin karing o gavutno ʒivipen tradicionalo andar e Transilvania, jekhi barvali historiaça, lośale pejsaʒença thaj jekh komuniteta kaj inkǎrel pesqe laqi autentićiteta thaj ol aćara. E Komuna si prinʒardi and-o nakhlo vaxt andar lesqe forurǎ kaj kidelas ol bukǎrne thaj il bikinitorǎ andar e sasti reʒiunea, bukǎnça sar si xuravimata thaj biźuterie, thaj vi pherança, zelenimata vaj ʒivutrença. 

Kana sa san kathe, daśtin te dikhen vi aver śukare thana kaj si paśa’i komuna. E Khangeri forifikime anda’i Ćejka’ Bari, si jekh śerutno misal la arhitekturaqi gotiko transilvanisqo kaj si andar o XIII-to śelberś. E Rezervacia Naturalo Śeso le Tïrnavenqo, paśa’ol Plajna Ćindrel, si thana bu śukar kaj daśtis te dikhes e veśutni natura, anadr ol manuśa kaj kamen o ekoturismo thaj dromorra and-o maśkar la naturaqi vaj andar o turiśtǎ kaj kamen te roden ol but śukare pejsaźea le plajnenqe. Na dur katar o Śejka’i Bari si vi ol Bäjle Okna le Sibiosqe, prinʒarde andar ol londe paja thaj lenqe laćhimata terapeutiko.