Tradicionalutne khera andar e Brodina

Trujardi katar ol plajna zinzarde, kulme muntoase thaj xara śukarne, e lokaliteta Brodina akharel tut te rodes ol gospodärie tradicionale save kerel jekh pejsaźo gavutno but śukarno. Thovdine and-o jekh kadro naturalo agorisardo katar o Podiśo le Sućevǎqe thaj ol Karacǎ Orientalo, ol khera phanglen śukar le elementurença naturalo, kerindoj jekh kelipen organiko le gavutni arhitekturaqi. 

Kathe fiesavo kher inkǎrel e amprenta spećifiko le thanesqe: kaśtesqe bara, delikato thaj transparento, agorisarel graciaça ol propriteturǎ. Ol xaninga inklodome, trujença save ïnvïrtin pen pala’o ritmo le vaxtesqe, den ʒivipen and-o maśkar la komunitetaqi. Paśa’ol khera,arakhesa elementurǎ le pejsaźesqo komunitaro savo maj anen farmeko le thanesqo? Bordeja, fïnecurǎ, livezurǎ, vazǎ pherde la lośalipnaça le rekolturenqo - sea sikaven sar keren buki ol manuśa kathar. 

O pejsaźo arhitekturalo la Bukovinaqo Sudesθar si lan paś sea ol tipurǎ le beśipnasqe thana: gava kidine but and-e jekh than vaj kidine, sar si beśipnasqe thana izolime. P-o jekh than vaj rigisarde, ol beśipnasqe thana den jekh atmosfera gavutni, kaj ol vazdimata thaj ol thana phanglen pen śukar le pejsaźoça trujardo.  

Akharas tut te aves akhardo and-e kadaja rig la Bukobinaqo, kaj e historia phanglel pes le laćhe ileça thaj le śukaripnaça kathar. Kathe, ol gospodärie aresen ʒiuvinde paramićǎ, thaj fiesavo detalio del tuqe duma pala jekh komuniteta savi inkǎrdǎs pesqi identiteta. 

---

Xarno historikano mothovipen

O anav la komunaqi ”Brodina” si xramosardi jekhto var and-o berś 1908, kana kerdǎs pes and-o kadava anav. Vov avel katar o slavono lav ”Brod” kaj si vado vaj than nakhavipnasqo ”le pireça” jekhe pajesqo. 

Inke andar o anglomilaj le berśesqo 1944, e Bukovina sas e jekhto than andar e Rumunia kaj e rezistenta la armataqi kaj marelas pes mamuj le komunismosqe avili angle atunći kana ol trupe sovietiće lile jekh rig andar kadava than. 

---

E paramići le thanesqe 

Jekh xramosaripen andar o XVIII śelberś si ke Mänästirea Putna kaj si xramosardo ke o stareco d’atunćaθar na maj daśtilǎsas te dikhen pala oxto muncea andar o nordo la Bukovinaqo, dinǎs len aven lenqo thaj te dikhen lenθar jekhe menuśenqe kaj avile andar e Galicia. Kadala sas ol huculea, manuśa bukǎrne anavǎrde vi ol manuśa le muncenqo. Ol phure phenenas ke ol huculea sas len trin amala pakivale: o grast, o veś thaj o baltago. O baltago sas o simbolo le murśesqo huculo. And-o vaxt le thagaripnasqo kaś te avel tut baltago sas te pokinel pes panʒ koroanea. 

---

Jekhutne bukǎ kaj ʒives len

E kolekcia Etnografiko Paul Torac - jekh kolekcia popularo bukǎnqo, kerdini and-o jekh kher phurano andar e Brodina katar o Paul Torac; jekh terno huculo savo kamelas e historia la Brodinaqo. Daśtin te aven dikhle bukǎ save sas and-e kamera lesqe phurenqe dada thaj but phurenqe dada, śukar thovdine and-o kadava kher savo beśel punrenθe inke andar o berś 1918.

Kathe daśtis te arakhes bukǎ kaj sas le huculenqe, bukǎ reprezentativo anda’i Bukovina, phurane forografie, fasćinante paramićǎ thaj legende.