E Khangeri reformato zorărdi andar e Okna le Sibiosqi

E Khangeri zorǎrdi andar e Okna le Sibiosqi daśtil te avel dikhli sar jekh andar ol maj purane khangerǎ vazdine katar ol koloniśtǎ saśǎ andar o sudo le Transilvaniaqo. 

O portalo romaniko purano si xurǎvdo jekhe reliefoça kaj sikavel o rukh le ʒivimasqo, phandlo duje leoparzěnθar. O stilo le reliefosqo, haj vi ol forme phare le vazdimasqe, si vaś o maśkar le śeliberśesqo XIII, ćak anglal te aven ol mongolǎ.

O maj purano monumento istoriko le thanesqo si e Okna le Sibiosqi, ćaćǎrdi and-ol lila and-o berś 1263, si e khangeri reformato zorǎrdi, e sas khangeri parohialo medievalo, kaj si p-e rig ćentralo-sudiko, pe jekh promontorio maj baro le pantaqo le paněsqi Visa.

E khangeri si jekh bazilika romaniko śove traveença, turnoça opral o koro, saves si les jekh bolta and-o truśul, savi si kerdi andar jekh absida haj jekh than pätrato haj absidiolença karing ol nave lateralo. Opral o koro ućǎrel pes jekh turno baro.

Maj neve, śaj ke andar o śeliberś XV, si ol bolte ande receaua, varesave bukǎ ankadramentosqe le portalojenqe, sar si vi ol kontraforcǎ kaj si avrǎl. And-o śeliberś  XVI si thodi vi jekh sakristia p-e rig sudiko le korosqi. O duvar andral phandel jekh perimetro kaj na-i sajekh. Kadava na sas zorǎrdo turnojença haj si inkerdo kontraforcenθar avrǎl.

Phenel pes ke and-e khangeri si ol kripte varesave nobilenqe save dikhen vi akana le laćhimasθar le komunitetaqo. Sa kadja, varekaj and-e bar le khangerǎqi si jekh tunelo vaś ol manuśa, kaj te naśen te avena varekon pe lenθe, d-andar e epoka medievalo haj postmedievalo.

E strana le raśajesqo haj o koronamento le amvonosqo si d-andar o berś 1515.

Kana kerde pen bukǎ kathe, arakhle pen ol purane fresće haj e piktura andral, kaj kodoja savi inkerdǎs pes maj miśto si e Sćena le Thodimasqi p-o Truśul, and-e bangi rig le amvonosqi, d-andar o berś 1522.

Kathe arakhesa vi e paramići jekhe but bare ʒuvlǎqi, e Júlia Bányai, biandi k-e Okna le Sibiosqi haj muli k-o Kairo. Mardǎs pes vaś o vestipen, haj xurǎvdǎs pes sar murś haj mardǎs pes and-e revolucia andar o berś 1848. Telǎrdǎs and-e Turćia, haj pala kadaja, and-o Eʒipto.

K-o giripen and-e lokaliteta, katar o Sibio, si jekh śerutno ćentro paněnqo, e staciunea e Okna le Sibiosqi, kaj bućhol popularo vi o „litoralo le Ardealosqo”. E staciunea si paśa o munićipio Sibio haj si prinʒardi vaś ol panǎ londe haj e ćik sastǎrni. 

O vazdipen le ćentrosqo paněsqo sas vazdino kana sas e Monarhia Austro-Ungaro, k-e porunka le thagaresqi o Franz Joseph o Jekhto, vazdipen and-o stilo sećesionisto, arhitekturaça lini andar e Biblia, bukǎnça haj simbolojença thagarikane. Ol lenǎ naturalo paněça londe heliotermiko haj ćik, si len but efektoja sastǎrimasqe. Andral o than le lenǎnqo śaj dikhel pes vi jekh plaj lonesqo.  

Arakh o garavipen haj o śukaripen le Khangerǎqo zorǎrdi andar e Okna la Sibiosqi, kaj e istoria, e natura haj ol paramićǎ zorǎqe arakhen pen ande sakodova than.