E kaśtuni khangeri „Ol Sfincă Arhangelă o Mihail haj o Gavriil” Lunkasprie, Bihor

Kerel vìzita

Linko kopiime!

Paś-o Lako Vida, kodobor prinӡardo anda o spectakolo kerdo katar lesqo pani kaj paruvel pesqi rang and-e fiesavo anotimpo, arakhesa jekh kaśtuni khangerorri purani kam de 300 berśa.

Kerdi and-o berś 1725 andar kaśt gorunosqo, pe jekh ućo haj abrupto plaj andar o maśkar le gavesqo Lunkasprie, e khangeri monument dikhel and-e liniśtǎ o purano limori barrutne truśulença.

E jekhto piktura sas kerdi katar jekh zugravo kaj ći ӡanel pes lesqo anav and-o berś 1769, kana kerde pen vi ol udara thagarikane, and-o kher le Duma Mihajosqo. Ol paruvimata kaj kerde pen pala kodoja, bezexenθe, tiknǎrde o barvalipen le monumentosqo. Sar nakhilo o timpo ći maj aćhile nići but andar lesqe kuć bukǎ valoarǎça artistiko vaj dokumentaro-istoriko.

Te areslǎn kathe, mukt tut te aves inspirime katar o sadipen le thanesqo haj arakh lesqi paramisi xramosardi and-o kaśt!

Sosqe na maj si aver pikturǎ

Sigo pala so sas agordino o vazdipen, la khangerǎ ći sas la piktura, feri ikoane piktime p-o kaśt, jekh andar lenθe isindoj o Dinipen tele le Somnale Duhosqo, kerdi and-o berś 1743.

Ćak and-o berś 1769 sas kerdi vi e piktura la khangerǎqi, katar jekh zugravo kaj ći ӡanel pes lesqo anav, buki atestime katar jekh xramosaripen originalo kiriliko xramosarimaça p-o udar diakonikano, pe savo si kerdo o Sfïnto Vasile. P-okolaver udar le altarosqo si kerdo o Sfïnto Joan.

Andar e jekhto piktura la khangerǎqi aćhile numaj ol udara thagarikane haj diakonikane, haj vi varesode ikoane p-o kaśt haj valin. Sas parudo lenqo than katar o raśaj paroho and-e nevi khangeri le gavesqo anda jekh maj laćho inkeripen. Akana, e khangeri si but rimome.

Śukar eksperience

And-e zona le gavesqi Lunkasprie dikhesa peisaźoja śukar. Kathe daśtis te dikhes o Lako Vida, kaj si les jekh prinӡardi pïlnia, ol Klidina le Vidaqe haj kodola andar e Xar Rośia, haj vi but peśteri haj xainga. Haj kaj kiri eksperienca te avel sasti, ӡa vi andar e komuna Pomezeu kaj te dikhes e Diz Korniś haj o Kher tradicionalo „Morgovan Floare”.