Vi kana si tikne, kerde andar kaśtesθe, si ćaće svunta artaqe bukǎ. Trujal lenθe kerdile ol kreśtino komuniteturǎ andar ol gava haj diza haj kerdile monahalo thana. And-e lenqi aćhutni atmosfera kerdilǎs haj ućhardilǎs o gi amare komunitatenqo gavutne.
K-e Marʒine, e khangeri si o Ćentro. Voj phiravel o hramo (bućhol) ”Ol Sfincǎ Arhangelǎ o Mihail haj o Gavril” („Sfinții Arhangheli Mihail și Gavriil”) haj sas vazdini maśkar o berś 1700, phinindoj pes ke si o maj purano monumento kasavo andar o źudeco Bihor. Dikhes la de dural, laqo ućo turno vazdinǒl karing o ćeri, sar jekh baro rugipen opral o gav.
Sa kadja sar vi o gavutno kher kaj beśes, de jekh purani tradićia kadale gavesqi, si la p-e dïlgo latura, kaj si o ʒaben andre, prispa, sar si vi jekhesθe andar ol śere, kodova kaj si le moça karing o drom.
E khangeri inkerel sasto o punro le Svuntone Siniaqo andar o altaro, modelo skulpturako popularo andar gorunosqo kaśt, kerdo diferime modelurença.
Trujal e tikni kaśtukani khangeri si jekh purani limori, kaj phenel pa ol jekhto komuniteturǎ save ʒivisarde kathe.
Jekh importanto manuś savo biandilo k-e Marʒine sas o Ovidiu Drimba, kaj xramosardǎs jekh bari instoriko buki pa e kultura haj e ćivilizacia la gaʒenqi. Hai savesqe, śaj ke kadaja khangerorri sas lesqe godǎrimasqo phurdipen pa lesqo ʒivipen haj lesqo xramosaripen.
O jekhipen le pikturenqo
E piktura la khangerǎqi si de andar o agor le sekolosqo XVIII.
O ikonostaso sas piktime and-o untdelemno kaθar o Nekita Zugravul, and-o berś 1780. Vov dinǎs pakiv le kanonuren, thodindoj cïra kulore haj sas vaś o programo ikonografiko thodo and-ol limite kerde le dogmaθar. Maśkar ol teme kerde kadalesθar p-o ikonostaso, phenas varesave: o Isus Hristos p-o truśul haj ol Prooroćǎ, ol Sfincǎ Apostolǎ, o Isus Hristos savo baxtǎrel, ol Praznićǎ.
E khangeri sas palem varruime kaθar o piktori Hackman Mor, k-o agor le sekolosqo XIX. Kadava piktisardǎs but lulugǎ haj patrinǎ, thodindoj khethanes zeleno krudo haj violaćeo ruʒinio, ol gada le manuśenqe ol maj importanto avindoj kerde andar zorale kulore (ranga).
Kuć mandina (bukǎ)
Le khangerǎ si la but kuć bukǎ, maśkar savenθe si o ikonostaso and-o untdelemno, purano de kam 250 berśa, haj vi 6 ikone piktime p-o kaśt, jekh Antimiso so si d-andar o berś 1750, jekh Kazania andar o berś 1742, jekh Antoloʒiono andar o berś 1745, ama vi jekh Evangelia andar o berś 1750.
Ol lila haj e arhiva andar e purani kaśtukani khangeri sas thode and-e nevi khangeri andar e Marʒine, ama akana, but andar lenθe vaj musardile, vaj xasardile. Ages, jekh rig andar kadala lila ïnke maj inkeren pes and-ol muzeurǎ. Jekh kasavo eksemplo si o Oktoiho o tikno, kaj si k-e Biblioteka le Rumunikane Patriarhiaqi, khethanes kolavre xramosarimatença mukhle kaθar o Gheorghe Ćiuhandru.
Jekhutne bukǎ kaj ʒives len
Kana san and-o gav Marʒine, si te ʒas jekh drom ʒi k-e Marghita, rig andar o buprinʒardo Them le Kriśurenqo. Kathe śaj te ʒas k-o termalo panǎ, ama vi and-o parko le aventuraqo Freedom Adventure Park, kaj si and-o veś kaθar o agor le forosqo. Vaj aśtis te alosares te beśes te astares maćhen. K-e Marghita si maj but lenǎ kaj astaren pen maćhe, ćaće thana zelenimaça haj kaj na aśunel pes khanći.
And-jekh berś, e Marghita inkerel maj but evenimenturǎ, sar si Ol gesa le Munićiposqe Marghita, E Tomna Marghitǎno vaj E Diz le Krećunosqi.
Linko kopiime! 
Ʒa maj dur le Google
