Vazdini and-o vïrfo pe savo si thodo vi o gav Fedeleśeni andar o źudeco Jaśi, e khangeri kaśtukani „O Sfïnto Nikolae” dikhǒl de dural. Sas savremǎ vareso kaj na daśtil te avel paruvdo vaś kodola save mangen paćǎ giesqi.
Ol phure si phandle zorales katar e khangerorri. Von aven kathe savremǎ, haj lenqe manuśa kuć save mule, si praxome sa kathe.
Vazdini andar thule kile steźarosqe, khuvde ande kunine orizontalo, ućhardi śindrilaça, vaś śela berśa, o tikno läkaśo inkerdǎs zoralo, sar jekh ilo le gavesqo.
Jekh phiripen ʒi kathe si sar jekh phiripen and-e vremǎ, jekh eksperienca savi trebul te ʒives la!
Xarno rodinipen istoriko
O sfïnto läkaśo si purano de varesave śela berśa, ama o ges kana sas vazdino na ʒanel pes. O korkorro pakǎipen kaj si phenel ke e khangeri si d-andar e vremǎ kana sas xulaj o Śtefan o Baro.
Ol jekhto laćharimata le vazdimasqe sas kerde maśkar ol berśa 1750-1772 haj sas kerde katar o jeromonaho Varlaam. Ol avutne bukǎ kerde pen ćak and-o berś 1908, vazdimaça katar ol manuśa andar o Fedeleśeni, phandle penqe khangerǎθar, vaś ke saste śela berśa kadaja sas o maśkar reliʒioso le gavesqo.
Bukǎ arhitekturalo
Vazdino andar thule kile steźarosqe, pe jekh temelia barresqi, o läkaśo rugimasqo si les forma navaqi haj si les śtar livnǎ: pridvori, pronaoso, naoso haj altaro. O pridvori si phandlo, vi kana k-o astaripen sas putardo. Kadava si p-e latura sudiko, haj opral lesθe vazdel pes jekh turno klopotnica formaça pätrato.
E buki arhitekturalo savi sikavel o puranipen le thanesqo si o duvar xulajmasqo maśkar o naoso haj o pronaoso. Pala ol xramosarimata andar e monografia le parohiaqi, kadava sas „katapeteasma k-ol ʒuvlǎ“ vaś ke, maj anglal, o pronaoso sas kerdo vaś ol ʒuvlǎ, haj o naoso vaś ol murśa.
Jekhutne bukǎ kaj ʒives len
Vaś ke areslǎn kathe, paśe khangeri phenas tuqe te maj dikhes vi e Filatǐn Sturdza, e Filatǐn Ruginoasa, e Podgoria Strunga, haj vi e Filatǐn haj e Podgoria katar o Kotnari.
Sa kadja, ande sǎ e komuna Strunga si maj but sitoja arheoloʒiko, vi o sito „K-e Siliśte”. Aver kaj trebul te dikhes len si o Sito „Barrutnipen andar e Xarr le Gadesqi”, „K-o Hïrtop”, „E Rïpa katar o Śipot”, „Fundu”, „E Vatra le gavesqi” haj o sito „K-o Truśul and-e Fundoaia”.
Linko kopiime! 
.jpg?locale=rr)
Ʒa maj dur le Google
