I Khangeri kaśtesqi andar o Kiraleś si jekh phiramni khangeri, kaj ni mukisardǎs pes and-o jekh gav kadja, thaj vi k-o muzeo le gavesqi, and-o Themutno Parko Etnografiko ”Romulus Buja” andar I Kluź Napoca.
Stilistiko, si andar o agor le XVII-to śelberśesqo. Pesqo turno, le koifoça paś koniko thaj I pogi but buxli, sar niśte volanea, avel aglal jakha le vizitatoresqi, isindoj jekh dovada la mistoaqi le meśteśugerenqo popularea.
I Khangeri lośarel maśkar ol elementurǎ dekorative but śukar: I dori-brio skulptome, ol ćinimata kaśtesqe katar ol udara, motivença but phurane, o dekoro le pakǎnqo thaj le konsolenqo avrǎl, ol rasuflatorea dekupime artistikano and-ol duvala, kaś te del avri I thuv le momelǎnqo. But śukar si vi o rangǎripen muralo and-i tehnika Al Sekko.
Areslo andre le muzeosqi avrǎl, dikh vi aver komorea le arxitekturaqi popularea rumunikane! Jekh xarni historikano nakhavipen
I Khangeri kaśtesqi sas vazdini and-o gav Kiraleś andar o źudeco Bistrica-Nasaud, isisndoj xramosardi and-ol lila jekhtovar trujal le berśesqe 1622. O Atanasie Popa, raśaj thaj śerutno historitori la kulturaqi thaj artaqi rumunikani, mukhlǎs mai anglal but kuće siklǎrimata kaj dikhen pala ol khangerǎ kaśtesqe andar I Transilvania. Maśkar ol khangerǎ rodine kadalesθar si I kodoja andar o Kiraleś, o siklǎripen isindoj les śerutne informacie pala o rangǎripen la khangerǎqi kadja sar sas and-o berś 1937, thaj vi o drabaripen varesodenθar xramosarimata pala I origina la svuntones thanorresqi.
K-o berś 1777 phendino k-o Kusaju, ke o zugravo kaj rangǎrdǎs o altaro, o agorisaripen la rangǎri masqi astardi and-o berś 1769, sas kerdi katar o Joan Śtencel andar I Sinmargica. I Paramići le thanesqi
I Khangeri kaśtesqi grekikani-katolika sas vazdini p-i jekh plajn haj lesqi anav sas Kersalom. K-o maśkar le XVII-to śelberśesqo, I familia Bethlen andar o Beklean sas lan maj but proprieteturea and-o gav Kiraleś, haj and-o berć 1782, o sasto gav sasas kadalaqi familiaqi. Pala kadaja, andar o berś 1803, o Konte Lajos Bethlen lilǎs o xulajpen le gavesqi katar pesqo kako, o konte Ʒerʒeli Bethlen, haj ol berśa kaj avile astarindoj pes o vazdipen p-o kodova plajn jekhe filatinesqi trujardo jekh barǎθar, and-o stilo italiano.
Pala o berś 1945, I filatin sas pheravdo, kadava isindoj opral jekh kriptaqi korkorutni and-i Evropa and-o kodova vaxt, isindoj kerdi andar jekh tunelo xanavdo and-i stinka thaj avindoj les 32 angalenθar. I Kripta si I korkorutni kaj aćhili pala ol pheravimata, isindoj and-o dikhipen te kerel pes jekh turistikano punkto. Korkorutne eksperience
Areslo and-o Themutno Parko Etnografiko ”Romulus Vuja” andar I Kluź-Napoka, kaj sas tradini I khangeri andar o Kiraleś, and-o dujto epaś le XX-to śelberśesqo, daśtis te dikhes vi aver munumenturǎ arxitekturaqi, gavutne khera, thaj vi intalacie vaj atelierea spećifikane le tradicionalutni gavesqo.
Kana san and-i Kluź-Napoka, nakh haj dikh vi o Themutno Muzeo Historiaθar la Transilvaniaqi, o Muzeo la Artaqi vaj I Bar Botaniko ”Aleksandru Borza”.
I agenda kulturalo la forosqi si jekh referenciaθar, kathe isindoj kerdine ans-o sasto berś festivalurǎ, fororurǎ, gilabajmata, spektakolurǎ thaj ekspozicie.
Linko kopiime! 
Ʒa maj dur le Google
