E Rajikani Khangeri Tïrgu Okna

Ćhuti ande jekh śukar than, e „Rajikani”  Khangeri dikhes la lokhes, and-o maśkar jekhe mulenqe kheresqo de paś-e salina Tïrgu Okna. Vazdini and-o berś 1725 p-e ćaći rig le paněsqi Vïlćika, and-o than jekhe avere khangerǎqo maj purani kaj phabili, e khangeri si sar jekh bero haj si sar o kaśt steźarosqo, śudri kalorri, tele si la barresqe dale marde haj ol duvara si xurǎvde phalěnça nervurěnça kaj kiden pen kerindoj e klidin boltaqi dujutni. 

Prinʒardi sar jekh andar ol maj śerutne thana turistiko andar e Moldova, kadja sar așa si phendo vi and-e monografia le kaśtune Khangerǎqi „e Somnal Pakivali Paraskeva” („e Rajikani”) xramosardi katar o Korneliu Stoika, si la jekh śukar ikonostaso ama vi xramosarimatakaj sikaven ke kathe sas jekh khangeri vi kana ʒivdilo o Śtefan o Baro, labǎdi katar ol oknaśǎ. Pakǎs ke na si manuśa kaj kamenas maj but te aven paś-o Del haj te avel len jekh khangeri kaj te mangen pen desar ol robǎ la oknaqe. 

Ol raśaja le „Rajikane” khangerǎqe sas ol korkorre kaj vazdine ogěnqe le bukǎrnenqe, phangloj bute berśenθe le manuśen andar o Tïrgu Okna le kaśtune khangerǎθar. Si baro o xakǎripen ande jekh than kaj anel gogi pala o ʒivipen kadiki de pharo le oknaśenqo. Av paśe haj beś frimi te dikhes la!

---

Xarno istoriko rodinipen

Inke de kana sas o Joan Vodä o Tromalo o xulaj la Moldovaqo, e khangeri sas dino le somnale brakhitorkaqe la Moldovaqo, e Pakivali Paraskeva. Sar e jekhto khangeri kaśtuni vazdini andar ande kadava than, kaj, śaj ke si kathe inke de kana sas xulaj o Aleksandru Läpuśnǎnu (1552-1561; 1564-1568).

Andar so phenen ol manuśa haj aćhile vi ke e vremǎ andǎs but rimosarimata phendǎs pes ke e khangerǎ sas la but vazdipen andar maj but xulaja sar si o Mihaj Rakovicä, o Konstantin Rakovicä haj o Mihaj Sucu.

Kana sas xulaj o Śtefan o Baro, e khangeri sas labǎrdi feri katar ol bukǎrne andar e salina (śavgäji, mäglaśji, sastrarǎ, dulgerǎ, momelarǎ, kantaraʒij, kelarǎ, gurarǎ, śelarǎ, brakhitorǎ), ama vi anda ol „oknaśǎ” haj ol robǎ la Oknaqe, umblavindoj feri katar o ankalavipen le lonesqo de paśal. Ol maj purane xramosarimata kaj phenen pala laθe si palal o berś 1475. 

---

Barvalimata but kuć

La khangerǎ si la jekh ikonostaso kaj pakǎl pes ke si but śukar haj na-i aver sas lesθe, śukare koloanença xurǎjimasqe ćhinimaça kaj anen vareso maj but le laqo śukaripen. Kadala si k-e baza le ikonostasosqi.

Ol medalioanǎ piktime sćenença haj mujença biblikane de p-ol thagarikane udara si agorden pen xurǎjimatença patrǎnqe haj lulugǎnça kaj ʒan andar ol volute.

Kadala si xurǎvde śtare bare ikoanença: o lisus Hristos, o Somnal Nikolae haj e Somnal Pakivali Paraskeva, e Devlesqi Dajorri le Ćhavorreça lisus. E dujto rig le ikonostasosqi, ande savesθe si ol thagarikane praznićǎ, si kerdi andar 14 bare ikoane, ulavde  kolonadenθar. E trinto rig si kerdi andar ikoane kaj sikaven le deśuduje apostolen, si sǎ 18 ikoane boltime. E śtarto rig si kerdi andar pikturǎ cu figurěnça, 15 sǎ, sar medalioanǎ trujale.

---

Korkorutne eksperience

---

Aver turistiko thana: