O kheres e Lači Zvesti thaj o Mänästiră Biserikani

Jekh paramisi jekhuni, ande savi e leʒenda khuvel pes la istoriaça, aźukerel te dikhes la k-e Mänästirǎ Biserikani. 

Sar sas? O Pakivalo Josif andar e Bistrica gelo te mangel pes k-o Somnal Limori haj kerdilo pustniko and-o deśerto le Jordanosqo. Fal pes ke paśe lesθe maj kidine pen deśupanʒ kälugärǎ lahïko haj grećǎ, ʒivindoj savorre and-o mangipen and-ol peśteri andar e xarr le Jordanosqi. 

Ama, pala so avile ol arabǎ and-o Somnal Them, o Pakivalo Josif haj pesqe ućenićǎ boldine pen, ʒivindoj and-ol peśteri vaj and-ol khera phuvǎqe and-ol plaja le Neamcosqe.

Kana lenqo gin barilo prǎ but, and-o berś 1492, o Pakivalo Josif vazdinǎs jekh kaśtuni khangeri paś-e peśtera. Ćak and-e vremǎ le Śtefänicosqi Vodä ol kälugärǎ katar o Biserikani aresen te vazden jekh khangeri zorali barresθar and-o berś 1512. Kana pućhlǎn tut varekana sar kerel pes jekh kher monahalo, trebal te ʒas k-e Mänästirǎ Biserikani haj ćaćes dikhesa!

---

E paramisi le thanesqi

E paramisi phenel ke, pala so e khangeri sas phabardi haj ćordi tätarojenθar and-o berś 1498, o Pakivalo Josif haj pesqe ućenićǎ kamle te ʒan penqe k-o Somnal Plaj Athos, kaj maj bućhol vi e Bar le Devlesqe Dajorrǎqi. Ama, kana te ʒan penqe, kadala dikhle vareso but baro: e Somnal Ćhajorri Maria sikavdili ande jekh steźaro, phenindoj lenqe ke vi kothe si e Bar le Devlesqe Dajorrǎqi. 

Kadja, o Pakivalo Josif haj pesqe ućenićǎ aćhile haj ingerde ʒi k-o agor o vazdipen jekhe khangerǎqo k-o Biserikani. O evenimento sas piktime and-o berś 1517, and-e khangeri voievodalo p-o ikonostaso le Devlesqe Dajorrǎqo, haj and-o steźaro pala savesθe phendem tuqe o Pakivalo Josif thodǎs jekh ikoana le Devlesqe Dajorrǎqi, kadava bućhol ʒi ages „K-e Somnal Ikonica”. 

Jekhune bukǎ arhitekturalo

O giripen andre and-e khangeri kerel pes andar jekh portalo thodino p-e rig sudo la khangerǎq. Kadava si kerdo andar ćhindo barr motivoça khuvde bagetenqo, kaj si vi k-o kenari barresqo le bare turnosqe-klopotnica.

Avral, p-o duvar sudiko le vazdimasqo, si jekh khamesqo kadrano andar barr. Sa kadja, e absida le altarosqi si pentagonalo haj si la duj bare felǎstrina kaj lel o than la felǎstrinaqi and-o akso.

And-o naoso dikhas duj felǎstrina p-ol facade nordo haj sudo, sar sas and-o śelberś XVIII, haj pe kodoja vestiko si ol udara le śopnǎnqe kaj ingeren and-o turno, ama vi and-e tainica de tal-o ućharipen. E tainica si jekh livni garavdi, kerdi anda o kidipen le khangerikane barvalimasqo, kaj anglal sas kerdi vi anda o garavipen haj o arakhipen kodolenqo rodine haj marde. 

Paś-e Mänästirǎ Biserikani si o foro e Piatra Neamc, kaj si te dikhes les, haj kana areses kathe and-o ćhon maj, daśtisa te ʒas k-o Festivalo Gavesqe Artaqo „O moxton zestrǎça”, kerdo ande sarkon berś, ćak and-o maśkar le forosqo. 

Maj but, anda kodola kaj plaćal len te phiraven pen, o than del tut maj but atrakcii naturalo, sar si o Parko Themutno ol Keji le Bikazosqe - Häśmaś, o Lako o Izvoro le Plajesqo haj e Xarr la Bistricaqi.