O Bastiono le Postävarenqo andar o Braśov

Ol maj purane phenimata lilenqe pa o Bastiono le Postävarenqo si d-andar ol berśa 1521-1522 haj 1524, kana astarde ol bukǎ vazdimasqe kadalesqe, haj sas vazdino k-o astaripen sar bastiono vaś o kidipen le somnakutnarenqo. Kadava kerdilo and-o berś 1646 o Bastiono le Postävarenqo, sas dino kadale kidimasqo  pala so ol butǎrne phende ke kamen te vazden jekh nevo bastiono. 

O Bastiono kerdo te arakhel o kolco sud-estiko le zorǎrimatenqo braśoveano si les forma ćirkularo, haj śtar galerie girimasqe andar kaśt, vaś ol arakhimata. Lesqo diametro si de 16 metrǎ, haj o duvara si uće de 20 metrǎ, haj thule kam de 2 metrǎ.  

Mukhlo te perel maj but śelberśa, o bastiono sas les pharavimata haj cïvǎ ande maj but thana, haj kadaja buki kerdǎs te keren pen bukǎ inkerimasqe, save kerde pen and-olberśa 1961-1962, bukǎ save gele maj dur maj palal pando palemkeripen le strukturaqo haj o zorǎripen le vazdimasqo angrustikença ocelosqe. 

Thodo p-e latura karing o plaj Tïmpa, o Bastiono le Postävarenqo fal, kana dikhes les e jekhtovar, pande lesqi forma ćirkularo, jekh turno maj baro. Ʒanel pes ke nijekh andar ol oxto bastionoja na-j sajekh, haj nići identiko na-i.

O Bastiono le Postävarenqo sas les jekh rolo śerutno kana avelas varekon pe lenθe, kadja sar sas vi aver bastionojen. O regulamento arakhimasqo le Braśovosqo, andar o berś 1491, phenelas pa ol regule vorta arakhimasqe te avenas varekon pe lesθe, haj andar kadala vi pa sar xakǎrenas e miśkarea le trupenqi kaj avena pe lesθe. O artikolo XIV le regulamentosqo phenelas ke p-ol turnoja o maj uće (kadja vi p-ol bastionoja) te aven thode stǎgoja parne vaj lole, haj p-okolaver turnoja maj tikne te aven thode duj vaj śtar manuśa pakǎimasqe, kaj daśtinas te dikhen ol miśkare haj so kerenas ol duśmanǎ. Vortǎrindoj jekh steago parno sikavelas pes o than kaj marelas o duśmano, haj le steagoça lolo sikavelas pes o than kaj sas jekh jag.

Paśal o Bastiono le Postävarenqo si o ćentro istoriko le Braśovosqo. Kadales si les maj but śajutnimata dikhimasqe. Śaj ke o maj śukar monumento si e Khangeri Kali. Kadaja si jekh andar ol maj  bare vazdimata gotiko andar e Transilvania, ama kaj si la, maj but andral, bukǎ baroko line pala so sas palemvazdini andar o śelberś XVIII, pala so sas e bari jag andar o berś 1689.

O Kher le Sfatosqo, o maj śerutno monumento laiko andar o Braśov, si ages o sedio le Muzeosqo Źudecǎno Istoriaqo. And-o evo medio kathe sas e primäria le forosqi. 

O Drom le Śelesqo si vi vov jekh cïrdipen vaś ol turiśtǎ save aresen k-o Braśovo. Kadava, sar phenel vi o anav, si jekh andar ol maj tang droma andar e Europa, jekhe tangimaça maśkar 111 haj 135 cm.