Arome haj molă dobroʒăno

And-e Dobroʒea, o than kaj o kham dikhel pes and-ol valoja le Bare Kale Paněsqe haj ol reza zinzon ʒi k-o orizonto, xakǎres tut sar khere. And-o ilo kadale thanesqo, e marikli dobroʒeano haj ol molǎ le thanesqe, khuvde la istoriaça haj e kultura le thanesqi, keren jekh eksperienca xamasqi sar na maj dikhlǎn ʒi akana.

Kadava phiripen xamasqo astarel and-ol krame prinʒarde vaś lenθe molǎ,  sar si o Murfatlar, Histria vaj Rasova, kaj e drakh le thanesqi si maśkarthemutni haj si paruvdi and-o piben le develenqo. Fiesavi stikla molǎqi phenel jekh paramići, jekh akharipen te dikhes o terroiro jekhutno le Dobroʒǎqo. Ama, paśa ol molǎ, o than del pes barikano vi xamaça verver, and-o maśkar savesqo si e marikli dobroʒǎno, jekh simbolo le laćhimasqo le manuśenqo. 

E marikli dobroʒǎno, jekh kapodopera xamasqi, si kerdi kiraleça londo vaj guglo, ućhardi and-ol stratoja sane manresqe, kerdi but miśto le ʒuvlǎnθar kathar. Jekh vizita and-e komuna Kumpäna ingerela tut and-e arta le kiravimasqi kadale mariklǎqi, kaj e rajni Maria Ʒurʒu, e preśedinta le Asoćiaciaqi le Ʒuvlǎnqi, phenel ol garavimata kadale recetaqe dini jekhe ʒeneraciaθar avrǎθe. Ol ingredientoja simplo - kiral, anre, arro, haj jekh cïra lon - paruvel pes ande jekh laćhipen savo sikavel o barvalipen haj o ververiʒen le xamasqo le Dobroʒeaqo. 

Sar e marikli, ol kornulecoja rahatoça si aver buki śerutni le tradiciaqi dobroʒǎno, o pakipen le manresqo si o sekreto savo kerel len te na bistres len. Kadala xamata, haj vi ol molǎ save phiraven e esenca le khamesqi dobroʒǎno, akharen tut te dikhes haj te ćajlǒn tut ol tradicie xamasqe jekhe thanesqe kaj fiesavi meseli si jekh baroges le ververimasqo haj le istoriaqo.

And-e Dobroʒǎ, fiesavo taxtaj molǎqo haj fiesavo kotororro mariklǎqo na-i numaj jekh ćajlǎripen le mujesqo, ama vi jekh felǎstrin karing o gi le thanesqo. Akharas tut te arakhes kadaja eksperienca ćaći, kaj o xaben haj e mol arakhen pen ande jekh simfonia aromenqi haj tradicienqi, haj den tut jekh phiripen saves na bistresa les pand-o ilo la Dobroʒǎqo.