O ansamblo la kaśtukane khangerăqo „O Uśtipen le Devlesqo” Arieśeni, Alba

Kerel vìzita

Linko kopiime!

And-o Parko Naturalo Apuseni arakhes jekh perfekto khuvipen maśkar o keripen le gavenqe meśterěnqo haj o naturalo than śukar. Jekhe śukare dikhimaça karing ol plaja paśune, e Khangeri kaśtuni kaj bućhol „O Uśtipen le Devlesqo” andar o Arieśeni, sikavel vorta kadava khuvipen and-o peisaźi.

Dikhesa dural laqo sano dikhipen, ankalavdo avri katar e klopotnica foiśoroça haj koifo bangǎrdo. Kathe arakhes o korkoro dekoro gavesqo kerdo and-e tenkuiala. Truśula, kham manuśikane mujeça, rozetoja haj lulugǎ śukarǎren ol facade le vazdimasqe.

And-e khangeri si kuć bukǎ. E ikoana baregivesença andar e khangeri le ʒuvlǎnqi, o truśul dino bilovenqo katar o ćhavo le tribunosqo Korkeś, ol ikoane andar o deśueftato śelberś si feri varesode andar lenθe.

Jekh ćaćo vazdipen si o Kher le Toaćenqo, kaj pe varesave beranda daśtis te dikhes e piktura andar o deśuoxtoto śelberś.

Haj e nevi khangeri de paśal si vi voj lośali te aven laθe manuśa!

Xarno istoriko rodinipen

O vazdipen le somnale khangerǎqo sas astardo and-o berś 1791, haj sas agorisardo 23 berśa maj palal, and-o berś 1814, haj ʒi and-o berś 1829 sas kerdi vi e piktura la khangerǎqi, vorta p-o kaśt, katar o zugravo Mihaj katar o Abrud.

Ol pikturi andrune le khangerǎqe sas garavde and-ol berśa 1877-1878, kadaja sasas tenkuime. Deśa berśa maj palal, and-o berś 1959, kerdǎs pes vi o balkono, anda o koro la khangerǎqo, haj o ućaripen andar e śindrila le akoperiśosqii sas paruvdo tablaça. And-o berś 1971, sas sfincime o vazdipen.

O jekhunipen le pikturěnqo

Akana, ol rigale duvara si śukar makhle vopsǎuaça and-o ulejo vunoto, ama ći prinʒarel pes ćaćes kana anglal sas vaj na sas makhle.

And-o pronaoso daśtin te dikhen pen ol pakivale ʒuvlǎ, makhle śukar and-ol arkade haj and-o altari. P-e bolta le naososqi si e ikonografia thanesqi. O akso la boltaqo inkerel ćerkuri kile, kaj si sikade ol muja bazaqe, kanoniko. Maj si o lil ande savesθe si sikado o Hristos sar nakhel andar bare dukha haj e friza le mućenićenqi. O stilo bizantino dikhel pes vi k-e piktura la tïmplaqi, kaj arakhas o Ćhutipen p-o truśul, ol Apostolǎ haj ol Prooroćǎ.

Sikavindoj sar jekh trono gavesqo, spiralença, o skamin le Kajafaqo dikhǒl sigo vi vov.

Korkorutne eksperience

Śukar peisaźoja haj eksperience kaj na bistaresa len treujaren tut orkaj ʒas ande kadava than kaj si pherdo śukar naturalone thanença.

Ol Diza le Ponorosqe, e kaskada Vïrćorog, e Xïv Ruʒinoasä, e peśtera o Paxuno Skäriśoara, purani maj bute 10.000 berśenθar vaj kodoja katar o Vïrtop, kaj si urmi le manuśesqe Neanderthal, ćhinena kiro phurdipen ćaćes anda lenqo śukaripen.