O TURNO LE STUDENTOSQO ANDAR O FORO SEBEŚ

Ʒanenas ke and-o sekolo XV jekh siklǒvno saves sas les numaj 16 berśa andar o foro Sebeś, sas zoralo anglal o uśtǎvipen le turćenqo opral e diz, haj sas lino phandavdo haj ingerdo k-o Edirne, kaj sas atunći o maj baro foro andar o Otomano Thagaripen? Areslo palal maj but berśa and-e Roma, vov xramosarela jekh but kuć lil pa ol obićejurǎ haj ol bare gesa le turćenqe. 

 

Kadja, aśtin te godisaren tumen ke das duma pa varekon andar jekhe lilesθe but prinʒardo, ama kadava siklǒvno sas ćaćo! Vov sas andar o Romos, haj and-o berś 1438, kana e diz sas uśtǎvdi katar ol turćǎ, vov sas k-e śkola savi sas Dominikano Konvento. 

 

Te aresena dajekhvar and-o foro Sebeś, si musaj te dikhen o Turno le Studentosqo, kadava phuro pazniko le forosqo, kaj marel o vaxt kaś te phenel amenqe pa pesqi śukar paramići pa o zoralipen, o kuraźo haj e demnitatǎ.  

 

---

 

O Turno le Studentosqo si rig andar ol maj but vazdimata le forosqe, savo and-o Evul Mediu (o vaxt maśkar e Antikitatǎ haj e moderno vrǎma) pazilas le manuśen katar ol but uśtǎvimata le armatenqe turćitiko haj tätaro.

K-o astaripen bućholas „le Kroitorenqo”, o Turno sas vazdino de andar o agor le sekolosqo XIV, ol oprutne nivelurǎ sas kerde maj palal, and-ol sekolurǎ XV haj XVI. O Turno sas inkerdo miśto haj arakhlo katar ol kroitorǎ, manuśa but prinʒarde and-o kodova vaxt and-ol forurǎ andar e Transilvania.  

So sas leça and-o berś 1438 kerdǎs les jekh simbolo le forosqo Sebeś.