E paramići la Nukśoakaraqi, jekh phurani komuna, śerutni, sosqe sasas lan vi laqi stema, astarel jekhe phurani paramićǎça. Phenel pes ke o anglutno manuś kaj beślǎs kathe sas jekh naśavdo andar ol vaxta phare, kaj lǎs te beśel k-ol pogǎ le Plajnenqo Fägäraś, ande jekh than kaj vi ages bućhol ”Telal ol akhora”.
Kathar avlǎs lesqe o anav. Thaj sa kathar astardǎs pes sea: o gav barǎrdǎs le vastença le manuśenqo katar ol plajna, kaj ʒanelas sar si te keres buki phares k-o veś, and-e barr, k-o lon vaj k-ol angara. Vazdine penqe khera, śukarǎrdǎs len broderiença skulptome thaj sikavde te ućharen len śicaça kerdi lenqe vastenθar. Kana o Thagar Ferdinant andǎs kathe bukǎrne italienea kaj panenas but miśto te keren buki le kaśteça thaj k-ol bukǎ hidrografike, kadala paśarde pen katar kadava than thaj le manuśenθar andar e Nukśoara. But phangle penqe thaj aćhile kathe, Kadja kerel pes ke akana si amen jekh ”Tezauro ʒiuvindo manuśenθar” kaj bućhol pes: Viorica Olivatto. E bibi Viorica ʒanel te amboldel e pośom thaj o urzito pi bar, thaj vi and-e arta la tesitosqe thaj la suvǎrimasqe.
Kana areslen and-e Nukśoara, si te dikhen vi o kher Memorialo Elisabeta Rizea, e prinʒardi eroina la marimasqi mamuj komunisto. Thaj anglal te telǎren, te na bistren te keren tumenqe poza le lenǎça andar o maśkar le gavesqo. Na and-e but thana daśtina te dikhena kadja daiśi!
Thanutne bukǎrimata
And-e komuna Nukśoara sas vaxt śele berśenθar jekh tradicia and-e arta le bukǎrimatenqo spećifikane la zonaqi le veśesqi, tradini andar jekh generacia avrǎθe. Sosqe o than la komunaqi si ućhardo veśenθar p-o jekh baro than, o bukǎ forestierea thaj o keripen le kaśtesqo si rig andar e tradicia le thanesqi.
Maśkar ol thanutne aćara kaj si andar e zona Nukśoara daśtil pes de ginavel pes vi o cesuto k-o räzbojo, o suvǎripen, o brodaripen, e skulptura, thaj kaj mai thol pes e buki kaśtesça thaj o rangǎripen le anrenqo, save si kerde katar ol thanutne vi ad-e ges d’agesara.
Bukǎ kaj si te ʒives len paśal
And-e zona la komunaqi Nukśoara daśtin pen te dikhen pen but thana natiralutne save lośarena tut o ilo fiesavesqe turistosqe.
ekh misal vi e Len Nukśoara, prinʒardo vi sar e Len Trijardo. Si o so maj baro len karstik andar o them, kerdo ʒipsosθar. Maj but si vi e kodoja ke kadava si and-o ilo le lokalitetaqi Nukśoara, and-e zona le musćelenqo subkarpatikutne maśkar o Paja le Rajaqe thaj Vïlsan.
Kodola save kamen te keren dromorra k-o ućipen daśtin te arakhen o traseo turistiko Nukśoara kaj tradel k-o Vïrfo Moldoveanu, kaj si and-ol Plajna Fägäraś. Aresindoj k-o ućipen 2.544 metrenθar, o Vïrfo Moldoveanu si o so maj ućo vïrfo plajnenqo andar e Rumunia. Kana ʒas karing o Moldoveano, gelindoj pala o traseo Stïna la Burnaqi, daśtil pes te aresel pes k-e jekh aver specialo than, but kamlo le turistenθar, kaj daśtil te dikhel pes kaskadea jekh śukarimaça bi maj dikhli. Maśkar kadala ginavel pes e Kaskada le Zbućiumatosqe thaj ol Kaskade le Xarrǎqe Nasul.
Na daśtis te telǎres kathar bi te ʒanes e paramići le fagenqo śele berśenθar save daśtin te aven adoptime and-e kampania „o Veś le Bimerimasqe Paramisěnqo”. O Projekto kamel te proteźil o baredere thaj bi merimasqe faʒǎ thaj te del vas k-o barǎripen turistikano la zonaqo.
Linko kopiime! 
0248582013 - Primăria Comunei Nucșoara
Ʒa maj dur le Google
