Tradicionalutne gospodärie and-i lokaliteta Kilia’i Phurani - familia Popesku Kornel

Kana areslǎn and-o ”Ćiriklǎnqo paradiso”, kadava than but śukar kaj ʒiven ol so maj cïra manuśa andar e Rumunia, si te ʒas te dikhes e Delta la Dunäraqi - o so maj terni phuv rumunikano. 

Kerdini and-e paś 10.000 berśa, e Delta bararǎreś pes maj dur vi ages, isindoj jekh than kaj del ʒivipen. Si dikhli na numaj e so maj kosmopolitikani zona geografiko pala’i sa lumnja, tha’ vi jekh andar ol zone e so maj bari biodivertisitaça. Si kadja but thana śukar kaj si te aven dikhle, ke ćaćes lośares tut sosqe san baxtalo ke daśtis te dikhes les sea kadala. Fiesavo kolco si jekh fotografia, thaj fiesavi kadaja fotografia ovela jekh ʒivdo godisaripen pala kadava phiripen but specialo kaj gelǎn. 

E so maj populime gavutno than andar e Delta, jekh komponença multietniko rumunenθar, ukrainienea, lipovenea, magǎrea, si and-e Kilia’i Phurani. 

Kadava than but śukar si les jekh lungo thaj interesanto historia. Fal pes ke and-e perioada komunisto sasas te avel foro. E Kilia’i Phurani si e so maj phurano than manuśenqo, thaj ol manuśa kathar ʒiven paśa’i pani thaj phanglen lenqo ʒivipen lesθar. Si jekh aćhavdo than, sosqe si phares o giravipen le vurdonenqo, thaj kadava buki kerel ka e gav fal pes ke si andar aver lumja. Kathe sea si les aver ritmo, jekh saves xakǎrela les thaj lośarela tut sigo. 

Jekh tikno phiravipen p-ol dromorra pherde lulundǎnça le gavesqe, dur katar ol ćingara thaj dilimasθar, si jekh lośalipen. Kathe daśtis te dikhes ol phurane kherorra kerdi numaj andar materielea naturale - kiripićea, barr, kaśt, stufo, sea and-e zeleno vaj maviz. Ol jakha hodinine pen p-ol lenqe forme simple thaj kadja armonioase. 

Ol manuśa si laćhe, kaj kamen te sikaven tuqe sa keren ol barke vaj aves bukǎ vaś o astaripen le maćhesqo, andar materiale amalikane le medioça. Maśkar lenqe bukǎrimata e so maj śerutno si vi o keripen bukǎnqo vaś o kher andar e papura. 

Jekh volumetriaça simplo, o kherorro anel godǐ pala’ol bukǎrneθar save anglal vi kana na siklǒvde ol proporcie, sasas len jekh xakǎrpen katar lenqo biandipen thaj kerdine jekh kherorro sar jekh biźuteria. Kana areses p-i strada le Grädinarenqo, ʒanes ke kathe ol gospodärie si pherde luludǎnça and-ol sea ranga. K-o gin 95, e familia Popesku avela angla tuθe kaś te dikhes lenqo kherorro phurano de maj miśto 100 berśenθar, thaj inkǎrdi but pakivpnaça. O parno le duvalenqo phuvǎqo malavel pes le mavizeça and-e kasθe si rangǎrde ol elemeturǎ kaśtesqe thaj e ućhardi xuravdi stifoça. Kadja, o kher fal ke strafǎl and-e dud le kamesqe andar e Delta la Dunäraqi. Jekh simplikani volumetriaça, o kherorro anel godi palal ol bukǎrne kaj sasas maj anglal save, vi kana na siklile ol proporcie, sas len jekh laćho xakǎripen biandipnsθar thaj kerde jekh kherorro sar jekh biźuteria. 

Sea e Delta la Dunäraqi si jekh than fabuloso, kaj del tut atrakcie oriso fǎlosqe vaś ol turistea. And-o jekhto rig, dikhesa ol pejsaźea but śukare, ʒivutre thaj ćiriklǎ save lośaren maśkar lenqo ververipen. P-o pesqo than, paśal e komunaqi Kilia’i Phurani, arakhel pes 16 rezervacie natiralutne floraça thaj faunaça bi maj dikhle: 

    •    E Rezervacia Rośka- Buhaiova-Hrećiśka: kathe beśel e so maj baro kolonia plikanenθar andar e Europa, kolonie egretanθar, lopätarea, stïrćea galbenea thaj sa kathe si śleaurea silvostepasθar thaj e Veś Letea. 

    •    E Rezervacia Periśor-Zätoanele: kathe beśen ol so maj but lebedea thaj pelikanea krecome. 

    •    E Rezervacia Periteaska-Leahova: e zona e so maj populime ćiriklǎnθar pala’i koasta.