Dikhen e komuna Śamśud, jekh biźuteria garavdi and-o ilo le źudecosqo Sälaź, kaj e tradicia haj e natura khuven pen śukarar. Kadava kolco śukar lumjaqo, kerdo andar ol gava Śamśud haj e Xarr le Kaśtenqi, del jekh peisaźo xulajardo katar e xarr trujardi plajenθar, kaj ol aćara inkerde but zorales khuven pen la modernitatjaça.
Ol tradicii bukănqe le thanesqe, sar si o torso, o khuvipem haj o ćhinipen and-o kaśt, thon penqi amprenta opral o źivipen le manuśenqo, andoj angla ol manuśa o śukaripen ćaćo la artaqo popularo. Na feri ol bukă, ama vi ol paramisǎ le thanesqe, sar kodola pala o Śero le Mihókosqo, o Kilo le Rákócziosqo haj e Diz Pogány, den jekh mistero maj but plus haj drabaripen kadale thanesqe.
Paśa e khangeri baptisto magăro, k-o gin 267, daśtin te dikhen o śukaripen ćaćo jekhe kheresqo tradicioanlo andar o berś 1932, de andar o ilo la komunaqo. Kadava kher, jekha istoriaça barvali haj jekh arhitektura kaj sikavel o stilo le gavesqe źivimasqo katar o astaripem le śelberśesqo XX, beśel sar ćaćaripen le nakhle berśenqo haj le źivimasqo le manuśenqo. Kerdo andar lokalo materialoja, jekha fundaciaça zorali andar barr haj duvara andar kiprićă, kadava kher inkerel o drabaripen haj o sadipen le nakhle berśenqo. Ol tenkujeli andar phuv haj o ućharipen andar cigla pherărel o gavesqo tabloo, akharindoj le manușen te źan ande jekh lumja kaj e tradicia haj e natura si khethanea laćhes.
O kher, kaj si les 101 metroja pätrato, si les duj livnă bare, sarkon laqe paramisiaça, kaj o timpo fal ke beślo p-o than. E bar haj ol anekse pherăren kadava dikhipen śukar.
Molǎ haj tradicii
O Śamśud, prinźardo sar than drakhença but laćho, sikavel barikanimaça ol reza, kaj ol drakha si barărde śukar maj laćhes. Ol molă kathar, le aromença but haj barvale, si o barodivesăripen ćaćo le terroir-osqo korkorruno le thanesqo.
Ol zumavimata molăqe kaj si p-e Aleea Bećiurenqi haj ol festivaloja rezănqe de ande sarkon berś anen khethanes le manuśen, ande jekh dinipen karing e phuv barvali haj karimg e buki kaj del mol. Ande kadava than, ol paramisǎ, ol molă haj ol tradicii khuven pen ande jekh mozaiko kulturalo, akharindoj sarkone manuśes te dikhel haj te lośarel pes andar jekh barvalipem khethano korkorruno, kaj sarkon muj mol haj sarkon kolco dromesqo si jekh udar karing o ilo karing o ilo haj o gi le manuśenqo.
Jekhune eksperience
Vi ke len rig k-ol evenimentoja kulturalo, sar si ol Gesa la komunaqe Śamśud vi o Balo le Färśangosqo, vaj alosarel te beśen tumenqe kaj te relaksin tumen k-e Pensiunǎ Agroturistiko „o Vïnätoro", aven te dikhen kadaja komuna kaj sarkon kolco garavel jekh paramisi, sarkon drom akharel tumen te phirel, haj sarkon manuś aźukerel tumen paramisěnça kaj putaren tumari gogi.
Linko kopiime! 
0260653201 - Primăria Comunei Șamșud
Ʒa maj dur le Google
