Khera tradicionalo Pećeneaga

E Pećeneaga, jekh kolco śukar and-o źudeco Tulćea, aźukerel tut sa dikhes lesqo śukaripen ćaćo. Voj si and-e rig vestiko le źudecosqi, p-o malo ćaćo le musǎqo Mäcin le Dunäreaqo, kadaja komuna si la jekh populacia de varesode mie manuśa, jekh istoria kaj uimiel tut haj tradicie ćaće.  

And-e Pećeneaga, ol berśa fal ke aćhile vaś ke inkeren o anipen gogǎqo le pećeneʒenqo, jekh populacia nomado oriʒinença turaniko, save avile kathe and-ol śelberśa X-XI palal o Hristos. Kadava malavipen kulturalo haj reliʒioso biandǎs jekh komuniteta verver, kaj ol influence xakǎren pen vi ages.

Avrǎl ol gaʒe, e Pećeneaga sas kher vaś but aver kidimata etniko. Familie andar e balta le Bräilaqi, Gropeni haj Stänkuca arkhle kathe jekh aver kher, le mokanença, bulgarǎ haj grećǎ, line lokhes ol obićejurǎ le thanesqe haj den duma barikane and-e ruminikani ćhib. Kadava mozaiko kulturalo kerdǎs jekh nevi komuniteta verver tradiciença.

O phandlipen le manuśenqo  kathar le naturaça si zoralo, maj but la Deltaça haj o Kalo Baro Pani, haj del śajutnimata ekonomiko pand-o astaripen maćhesqo, komerco vah agriturismo. Kadaja komuniteta aćhilǎs haj barvalilǎs, inkerindoj pesqe barikanimaça ol kućimata haj ol tradicie kulturalo.

---

Jekhune bukǎ arhitekturalo

E arhitektura andar o than le Tulćeaqo si jekh ćaćo barvalipen kulturalo, haj si influencime katar o medio, konteksto istoriko haj e etnia le manuśenqi. Ol droma śukar haj kaj na-i vorto, ol khera thode strateʒiko paśa ol droma, haj vi e arhitektura tradicionalo kherença śerutne haj anekse thode griźaça - sasvorre sikaven jekh ćaćipen savo inkerel and-e vremǎ.

Ol materialoja tradicionalo sar si ol kirpiko, o ćeamuro, o kaśt haj o stufo si and-ol vazdimata haj ol bukǎ dekorativo andar e mitoloʒia den śukaripen. 

E arhitektura spećifiko le kherenqe lipovenisko si jekh punkto śerutno, haj o thodipen maj bute bukǎnqo neve inkerdǎs o ćaćipen le thanesqo, xamindoj miśto e tradicia le vremǎça de akana.

---

Butʒangle manuśa

Ande kadala thana beśle kana sas tiknorre ol manuśa save paruvde e istoria le teatrosqi gaʒikano.

O Jon Fokśa, biando k-o 14 februaro 1925, sas jekh aktori prinʒardo. Siklilo k-e Akademia Regalo Muzikaqi haj Artaqi Dramatiko andar o Bukureśto haj astardǎs and-o berś 1945 k-o Teatro Themutno andar o Bukureśti. Sas les maj but de 210 roloja ande piese prinʒarde haj sas vi reʒizori bute spektakolojenθe kamle. Sas manuś pakimasqo le komunaqo haj mulo and-o berś 2012, kana sas les 86 berśa.

E Kätälina Buzoianu, biandi k-e Bräila pe 13 aprilo 1938, mukhlǎs jekh amprenta verver and-o teatro gaʒikano, haj reʒizisardǎs maj but de 100 spektakoloja ande amaro them haj avrǎl. Ol kolegǎ ćajlǒlas len laθar haj sas kamli le manuśenθar. Lilǎs verver distinkcie sar si o Premio le Akademiaqo Romïnisko and-o berś 1973 haj o Premio „Salvo Randone” vaś sǎ laqi kariera and-e Italia and-o berś 1995. And-o berś 2001, lilǎs o premio UNITER vaś savorri buki laqi haj and-o berś 2018 sas dekorime katar o Preśedinto le Romïniaqo le Ordinoça Themutno „Servićio Pakivalo” and-o graso Komandoresqo.