Khera tradicionalo and-e lokaliteta Periprava - e familia Stänesku Bogdan

Jekh phiripen and-o gav Periprava andar e Delta la Dunärǎqi si jekh eksperienca jekhutni, savi avel maj bute laćhe bukǎnθa. Arakhesa kathe jekh atmosfera verver haj kaj e vremǎ phenes ke aćhilǎs p-o than. Sa kathe, and-e paćǎ le dromorrenqi, aśunesa ol akourǎ varesave vremojenqe, ama vi varesave dukhenqe kaj nakhle. O śukaripen haj o barvalipen saven e natura mukhel len kathe, paś-ol paramisǎ haj o laćhipen savesa aźukerena tut ol maćharǎ lipovenǎ, paruvel e vremǎ kathe and-e Periprava ande jekh eksperienca savi na bistresa la nićijekhvar.

Maj but de 200 manuśa, but andar ol khera kathar inkeren inke saste e arhitektura haj o spećifiko le thanesqo, haj si vazdine andar materialoja naturalo: kirpićǎ haj stufo. 

O anav le gavesqo si phandlo, bezexalenθe, vi jekhe vremǎθar kali andar e istoria amare themesqi, vaś ke kana sas o komunismo sas k-e Periprava jekh lagäro bukǎqo kaj sas ande ol phandle manuśa andar aver phandlimata andar amaro them, save mule but phares and-ol dukha.

 But ekipe istorićǎ haj arheoloʒǎ avile kathe berśenθar, ćak ande amare gesa, kaś te inkalen andar ol praxomasqe thana kokala haj te den pakiv  kadale manuśen kaj cïrdine  but dukha.

Ama e natura kamlǎs haj sas arakhli, vaś ke kathe arakhas vi jekh biźuteria, jekhutni and-e Romïnia: o Veś Letea. Zinzardi pe jekh than maj baro de 500 hektaroja, kadaja si e maj purani rezervacia naturalo andar e Romïnia, haj si o than kaj ʒiven but grasta veśutne, save śaj te aven dikhle and-o than kaj bućhol „O Hasmako Baro”.

E Periprava si andar ol thana andar e Delta la Dunärǎqi le maj bare komunitetaça ruśenqi lipovenǎ andar sǎ o than. Kadala manuśa inkeren barikane ol tradicie, e kultura, haj e ćhib lipovenisko, haj si prinʒarde vaś o astaripen maćhesqo tradicionalo, vaś ol bukǎ tekstilo haj vaś e jekutni arhitektura lenqe khangerǎnqi.

O pakǎipen le ruśenqo lipovenǎ andar e Romïnia si ortodokso p-o rito purano, haj ol sluźbe reliʒioso inkerde and-e khangeri le gavesqi si kerde and-e ćhib slavono. Sa kadja, von ʒan pal-o kalendaro juliano, savo si maj palala 13 gesença katar kodova gregoriano. Maj but, and-e komuniteta si tikne ansambloja folkloriko save inkeren haj sikaven le turiśtěnqe o xurǎvipen tradicionalo haj ol khelimata spećifiko kadale gruposqe etniko.

E Periprava sas o than kaj kerde pen bukǎ nasul kana sas o komunismo andar e Romïnia. Kathe, ol phandavde politiko, ande andar aver phandlimata le themesqe sas thode zorǎça te keren buki ande kondicie but phare, butvar te kiden stufo. O phiravipen bimilaqo haj ol kondicie phare ingerde k-o meripen butenqo andar kadala manuśa bidośale.

A lagäro katar e Periprava aćhel jekh simbolo le dukhaqo haj le represiunǎqo tal-o reʒimo komunisto. O Instituto vaś o Rodinipen le Mudarimatenqo le Komunismoqe kerdǎs but kampanie rodinimasqe haj liimasqe palem le kokalenqe phuvǎqe le phandavdenqe politiko mule k-e Periprava.

O Veś Letea si jekh andar ol maj śukar ekosistemoja andar e Romïnia. So kerel la verver si ol rukha but phure steźarosqe koronaça bari, save si but uće haj del le veśesqe jekh aero garavdo. Kerdili akana kam 6000 berśa, pala so cïrdine pen ol panǎ le Kale Bare Paněsqo.

So kerel les verver si ke na barǒl p-e phuv normalo, ama p-o kiśaj fundosqo marino, haj del les jekh karakteristika jekhutni and-o peisaźo naturalo. Ol phirimata andar o veś, ol phirimata le bićikletaça haj ol phirimata le barkaça andar ol kanale paśal si numaj varesa andar ol bukǎ savenθar daśtin te lośaren tumen, kana aresen kathe.