E kaśtukani khangeri ”O Svunto Joan o Bolitori” (”Sfântul Ioan Botezătorul”) andar o Bärbäläteśti, Arʒeś

Xatǎres ke azbajlǎn jekh kolćo rajosqo kana dikhes la jekhtovar, pala so gelǎn p-o drom kaj uśtel and-ol trepte, k-e ućhal niśte bare haj phure rukhenqe. E kaśtukani khangeri  ”O Svunto Joan o  Bolitori” (”Sfântul Ioan Botezătorul”) andar o Bärbäläteśti sas vazdini and-o berś 1800 haj nakhlǎs miśto andar o vaxt. 

Ages arakhes la lole lulugença and-o pridvori haj anel loś haj zorǎripen savorrenqe kaj nakhen kathar. 

Thodi p-jekh temelia andar barra lenǎqe, e khangeri si sar jekh korabia. Pala o xramosaripen, k-o agoripen la sekolosqo XIX sas kerde vi o pronauso haj o pridvori. 

Avrǎl, ol parǎte le pronausosqe si piktime, haj jekh paś andar ol parǎte le nausosqe haj le altarosqe si la jekh śelo skobime andar kaśt, kaj phenes ke inkerel zorales o trupo le tikne khangerǎqo. Andral si varuime haj piktime savorre parǎte. 

O putardo pridvori kaj beśel inkerdo le koloanenθar andar kaśt steźarosqo, kuśtikaça andar bradosqe phalǎ haj jekh udarorro, gelena tut le gogǎça k-o tato kher le mamǎqo, kirre babaqo.  

E khangeri sa inkerel e Ikoana andar o berś 1800 le Svutnone Joanosqi o Bolitori, haj vi o purano klopoto kaj si andar o berś 1888.

Haj kana sa san kathe, ʒa andar o Parko Parohialo Sihästria, kaj si o monumento vazdino vaś ol eroja martirǎ le nǎmosqe.

---

Jekhutne bukǎ  pa e arhitektura 

And-e rig andar o sud-vesto le khangerǎqo si e klopotnica vazdini and-o zido, kaj si o purano klopoto d-andar o berś 1888. 

O Parko Parohialo Sihästria si and-e rig andar o vesto le khangerǎqo. Kadava si kerdo vi te avel Milajesqi śkola, anda kodoja ke si les jekh trujalipen rustiko, andar kaśtukane salkïmosqe kile haj phal bradosqi, and-ol riga sudo haj vesto arakhlindoj pen ol udara kaj ʒas andre. And-o parko si jekh monumento vazdino vaś ol eroja martirǎ andar savorre thana, save mule anda o arakhipen le themesqo, le purane pakǎimasqo haj vaś o jekhipen ne nǎmosqo.

---

Jekhutne bukǎ kaj ʒives len

Na dur katar e kaśtukani khangeri andar o Bärbäläteśti, aśtis te dikhes e Khangeri e Bar le Arʒeśosqi (Mănăstirea Curtea de Argeș), jekh kapodopera le rumunikane arhitekturaqi, haj vi e Khangeri O Svunto Nikolae Domnesk (Biserica Sfântul Nicolae Domnesc), savǎ si la jekh miśto vazdipen and-o stilo bizantino. P-jekh zoralo than savo arakhel e Bar le Xulajesqi (Curtea Domnească) andar o Arʒeś, arakhen pen ol peravimata le Khangerǎqe Sïn Nikoarä (Bisericii Sân Nicoară). 

O Muzeo Munićipalo e Bar le Arʒeśosqi kerela tut te aćhes bimujesqo kana dikhesa maj but de 14.000 bukǎ kaj sas arakhlimata istoriko haj arheoloʒiko.

Na bister te nakhes vi katar e Xaning le Meśterosqi le Manolǎsqi, vazdini and-o berś 1800, pärdal o drom katar e Khangeri le Arʒeśosqi (Mănăstirea Argeșului).