E kaśtukani khangeri ‘’O Meripen le Rajesqe Dajaqo’’ („Adormirea Maicii Domnului”) Glïmboku, Arʒeś

Te san and-o Arʒeś, areslǎn p-o than le ćivilizaciaqo le kaśtesqi: barvali, sani, kaj dikhel pes. Jekh arta and-e savǎθe ol kaśtukane khangerǎ azban o maj ućo than le ekspresiaqo. Dikh kadaja biźuteria. Si sar jekh skoika kaśtukani savi arakhel o maśkar le perlaqo le sfinceniaqo. Si e khangeri andar o Glïmboku.  

Vazdini and-o berś 1808 kaθar ol xulaja le thanenqe le gavesqe haj ‘’śukarǎrdi varroça’’ kaθar o Panteleimon „zograf”, and-o milaj sa kodole berśesqo, e kaśtukani khangeri le anavença ”Adormirea Maicii Domnului” haj ”Sf. Arhangheli Mihail și Gavril” inkerel ïnke, p-e tïmpla haj p-o zido kaj xulavel o naoso haj o pronaoso, e oriʒinalo freska. 

Jekh kuśtik ‘’and-o śelo’’, trujarel ol parǎte telal ol felǎstrina. Ol phandlimata si sar ‘’pori ćiriklǎqi’’, haj kaθar o udar kaj ʒas andre aśtis te dikhes but śukar bukǎ kerde and-o kaśt, sar jekh mesaźo kaj na xakǎrdǒl, le butǎrnenqo bianavenqo karing o savaxtutno timpo. 

Vazdini and-ol berśa 1804-1808 andar thule kaśta steźarosqe haj ućhardi stufoça, e khangeri si jekh ktitoria le xulajenqi le thanenqi le gavesqe, o Radu Drägucoju, haj pesqi rromni, Kreaca haj kaθar o Radu Daskälu. O vazdipen and-e forma le navaqi si les numaj jekh turla kaj si o than le klopotnicaqo. Ol jekhto raśaja save sluźisarde kathe maśkar ol berśa 1808 haj 1859 sas o Jana haj o Ristea. 

---

O jekhipen le pikturenqo

E piktura le khangerǎqi si kerdi and-e tehnika „a fresco” kaθar o zugravo Pantelimon, akana maj but de 200 berśa, and-o milaj le berśesqo 1808. Kadaja dikhel pes maśkar e influenca palal brïnkovenicko, ol spećifiko elementurǎ le stilosqe si sikavde and-e ikonografia haj vi and-o dekoro. E facada le tïmplaqi kaθar o altaro inkerel vi ages e piktura oriʒinalo.  

Palal o berś 1869, kana sas thodo o pridvori, ol piktorǎ Apostu andar o Piteśti haj o Nikolae andar o Mioveni dine varroça but śukar andral haj avrǎl kadava, and-o stilo popularo haj jekhe zorale karakteroça śukar gavutno. 

---

Jekhutne bukǎ kaj ʒives len

Kaj kirro phiripen and-o kadava than te avel sasto, maj aśtis te dikhes e Khangeri „O Svunto Gheorghe” andar o Baskov, vazdini maśkar ol berśa 1730-1750, ama vi e Khangeri Domnicko haj e Khangeri Mavrodolu andar o Piteśti. 

Andar ol turistiko thana le Piteśtǒsqe phenas tuqe te ʒas k-o Muzeo Źudecǎno Arʒeś, bukěnça rumunikane artaqe plastiko, istoria, arheoloʒia, ekoloʒia haj vi o Memorialo O Phandaipen Piteśti, prinʒardo anda kodoja ke maśkar ol berśa 1949-1951, kathe kerdǎs pes o Eksperimento Piteśti, pa savesθe pakǎl pes ke sas o maj zoralo programo vaś o thovipen le gogǎqo maśkar e tortura andar o bloko o komunisto.

E Xaning le Gilenqi haj o Parko Trivale andar o Piteśti si but laćhe thana kaj te ʒas te beśes.