E Kaśtukani khangeri „Adormirea Maicii Domnului” andar o Koteśti (Odobaska)

Temporarno phandlo Ande rehabilitacia

Linko kopiime!

O gav Koteśti, sas Odobaska, si and-o than le Subkarpacenqo Orientalo maśkar ol uće plaja haj o vazi le Rïmnikosqo. Jekh phiripen and-o than del bukǎ kaj dikhen pen, save siguro ćajlǒna tut.

E tikni kaśtukani khangeri, vazdini and-o berś 1471, aźukerel tut k-o agor le gavesqo, arakhli trine sekularenθar. Si jekh andar ol maj purane lokaśurǎ kultosqe andar e Vranćea. Vi o Baro Alavari Ʒeografiko le Lahovaresqo phenel: „Ande Odobaska si jekh khangeri kaj bućhol Adormirea Maicii Domnului, kerdi kaθar o Stan Kotea, paruvdi and-o berś 1869 haj 1888 savǎ si la 6 praźine sulum haj veśa andar savenθe aven numaj 150 lei.”

E Khangeri kerdi sar nava, le parǎtença phandle andar kile steźarosqe, haj ućharde phalěnça vopsime and-o sinio-grio. Andral si la jekh bolta putardi, boltaça inkerdi kaθar ol bange käpriorǎ andar steźarosθe, bolta so sikavel sode de bare si ol butǎrne kaj kerde buki and-o kaśt.

O konako andar o maśkar le komunaqo, jekhe istoriaça but barvali so sas le xulajesqi o Stan Kotea Odobesku, si ïnke jekh obiektivo saves si musaj te dikhes les!

Xarno rodinipen istoriko

Pala ol istoriko xramosarimata - jekh purano pomelniko xunavdo and-o kaśt haj phendo and-o xramosaripen le khangerǎqo andar o berś 1904 - haj vi le xramosarimasqo de opral o ʒaben andre and-o naoso, o xulaj Stan Kotea vazdinǎs e kaśtukani khangerorri and-o berś 1471.

E klopotnica la khangerǎqi si thodi and-o kolco andar o nord-vesto kadalaqo, dur de varesode metrǎ. Si but ući haj bari. Si vazdini and-o sakodova stilo le khangerǎça, andar thule kile steźarosqe, ućharde phalěnça haj pakǎs ke sas nevǎrdi jekhvar le khangerǎça, and-o berś 1888. Si jekh bari buki ke si vi ages, bi te avel laćhardi, inkerdinoj duj klopoturǎ but prinʒarde maśkar lenqe vazdinitorǎ.

Kuć mandina

Siklǎripen (Kazania) andar o berś 1829, bikopercenqi
Ikona „E Daj le Rajesqi" piktura p-o kaśt foicaça ruputni, laćhardi de andar o sekolo XIX;

Varesave andar ol purane ikoane sas line andar ol berśa le komunismosqe vaś ol muzeurǎ andar o źudeco. And-o inventaro kaj si akana, daśtis te arakhas bukǎ but kuć vaś o gi haj vaś e arta, sar si:

ikoane savenqo puranipen na prinʒarel pes, piktime and-o untdelemno sar si: O Isus le Lukaça haj le Kleopaça, O Naśavipen andar o Eʒipt, o Isus Hristos (2 kotora), ol 14 thagarikane meselǎ;
e ikona „Ol Sfincǎ Thagara" andar o berś 1864;
e ikona „Adormirea Maicii Domnului" andar o berś 1888;
klopoto de 200 kg dino and-o berś 1937 kaθar o thagar le Rumuniaqo, o Karol o Dujto;
klopoto de 100 kg, dino sa and-o berś 1937 kaθar o ʒeneralo o Kostel Tätäranu;
jekh truśul and-o altaro andar sastri parno haj and-o maśkar si kaśt mäslinosqo, skulptime le Bolimaça le Rajesqo haj o Thodipen p-o truśul dino and-o berś 1915 le familiaθar le barvale grećǎnqi andar e Odobaska - o Mihai Mosgos;
jekh ikona „E Daj le Rajesqi le Prunkoça" piktime and-o untdelemno haj dini le familiaθar Eufrosina haj N Vlahucä (daśtil te phenel ke si jekh phandlipen le xramosarneça Al. Vlahucä);
jekh ikona „O Svunto Dumitru" and-o naoso, dini kaθar e familia K. Vasilesku;
jekh kandelabro bronzosqo dino kaθar o Panaite Ćiubotaru, jekh andar ol maj zorale epitropǎ le läkaśosqe, savenqe manuśa kaj aven pala lenθe, vi ages vazden les te avel jekh miśto kher haj saves si les kripte ande limori le khangerǎqi.